Kryebashkiaku Sotiraq Filo ka kryer sot një inspektim në lagjet 4 dhe 14 të qytetit, ku prej disa muajsh po punohet intensivisht për shtrimin e rrjetit të kanalizimeve dhe asfaltimin e rrugëve. Kryebashkiaku Filo është takuar në këto lagje me banorë të shumtë për të diskutuar mbi ecurinë dhe opinion e tyre rreth këtyre punimeve. Investimet që po kryhen në këto zona të qytetit shumë shpejt do të vihen në shërbim të qytetarëve duke përmirësuar ndjeshëm kushtet e tyre të jetesës dhe infrastrukturën e qytetit.
