Kryebashkiaku Sotiraq Filo ka inspektuar punimet për rikonstruksionin e përroit dhe pastrimin e kanaleve ujitëse në Njësinë Administrative Voskop. Këto punime, të cilat kanë nisur në tetor të vitit të kaluar janë drejt përfundimit, do t`i japin fshatit Voskop pamje bashkëkohore, njëkohësisht do të zgjidhin problemin e përmbytjeve dhe shkarjes së dheut. Krahas pastrimit të kanaleve do të bëhet edhe ngritja e strukturave dhe hartimi i skemave për menaxhimin e vaditjes në të gjitha tokat bujqësore, në mënyrë që uji të shkojë në çdo parcelë.
