Në vazhdimësi të luftës kundër dhunës ndaj grave dhe vajzave u organizua një tavolinë e rrumbullakët në shkollën “Themistokli Gërmenji” në qytetin e Korçës. Në këtë aktivitet ishin të pranishëm punonjës të policisë, punonjës sociale, koordinatorja vendore kundër dhunës në familje e Bashkisë Korçë, shoqata “Gruaja në zhvillim”, mësues dhe nxënës të cilët ndanë midis tyre eksperiencat, diskutuan rreth dhunës në familje, legjislacionit në fuqi dhe ekipit multidisiplinar për menaxhimin e rasteve të dhunës në familje.
