Bashkia Korçë i paraprin një modeli më efiçient dhe tepër vizionar të ofrimit të shërbimeve ndaj qytetarëve, duke ofruar shërbim të unifikuar pavarësisht vendndodhjes gjeografike të tyre. Zyra e "One Stop Shop" (Shërbim me një ndalesë), do të qendërzojë dhe përmirësojë shërbimet ndaj qytetarëve duke shmangur burokracitë dhe hallakatjet. Me asistencën e USAID, në bashkëpunim me Agjensinë Kombëtare të Shoqërisë dhe Informacionit, u bë i mundur krijimi i një sistemi elektronik i cili mbështet shërbimet e zyrës me një ndalesë duke ofruar rreth 70 të tilla në 13 sportele, në Korçë dhe shtatë Njësitë Administrative pjesë e saj. Aplikimi i modelit One Stop Shop nga Bashkia Korçë do të shërbejë si model i suksesshëm referimi edhe për bashkitë e tjera.
