U zhvillua takimi publik me temë “Vizioni dhe Strategjia e Zhvillimit të Territorit të Bashkisë Korçë” në kuadër të Planit të Përgjithshëm Vendor. Dokumenti i Strategjisë së Zhvillimit të Territorit është hartuar nga Bashkia Korçë dhe mbështetur nga studio Bolles & Wilson Gmbh & Co dhe IDRA sh.p.k. Në këtë aktivitet morën pjesë të ftuar nga shoqëria civile si dhe personalitete në fusha të ndryshme. Objektivi parësor i PPV-së është të krijojë një mjedis institucional, ekonomik e social për zhvillimin e qëndrueshëm të territorit, nëpërmjet transparencës dhe proçeseve ligjore. Kjo strategji ka për qëllim krijimin e një qendre rajonale me një ekonomi konkurruese, sipërmarrje dinamike, bujqësi të zhvilluar, turizëm shumëdimensional, e fokusuar tek inovacioni dhe duke u kujdesur në mënyrë të veçantë për mjedisin.
