Ujitja e tokave të fermerëve në Bashkinë e Korçës është vlerësuar si problem themelor. Me fondin nga të ardhurat e Bashkisë Korçë prej 7.2 milion lekë vazhdon rikonstruksioni i 50 km kanal ujitës, si dhe riparimi i prizave e vendosja e 160 portave shpërndarëse të ujit. Aktualisht punohet në rrjetin ujitës të fshatit Polenë, njësia administrative Voskop. Gjatë këtyre 3 muajve është vënë në gatishmëri rrjeti, si dhe ka filluar shpërndarja e ujit për fermerët që kanë kërkuar përdorimin e tij në fshatrat Pulahë dhe Kamenicë.
