Ambasada Hungareze në bashkëpunim me Bashkinë Korçë organizuan Ditën e Kulturës dhe Biznesit Hungarez në ambjentet e Muzeut Kombëtar të Arsimit. Qëllimi i këtij forumi është rritja e bashkëpunimit përmes bizneseve shqiptare dhe atyre hungareze, pasi të dyja vendet kanë shumë potencial ekonomik për të shpalosur. Për këtë arsye, ky event konsiderohet si një mundësi për t`i hapur rrugë bashkëpunimit ekonomik. Paralelisht me forumin u zhvillua një ekspozitë fotosh e titulluar "Unë dhe Budapesti", me foto të realizuara nga fotografi shqiptar Roland Tasho.
