Për herë të parë në Korcë është sjellë një konkurs karikature. Konkursi ku u prezantuan punime të 70 artistëve të rinj, është zhvilluar në ambjentet e Muzeut Kombëtar të Arsimit në kuadrin e Ditës së Europës. Të pranishëm në këtë aktivitet ishin kryebashkiaku Sotiraq Filo, ambasadori rumun Nicanor Tekulesku, Jan Rudolf Shef I seksionit politik, Ekonomik dhe I informacionit I Delegacionit të BE. Nën titullin “ Shqipëria drejt Integrimit në BE”, janë ekspozuar skicime të të rinjve nga i gjithë vendi të cilat edhe pse të realizuara me majën e lapsit, përmes një humori të hollë flasin shumë. Duke përshëndetur organizatorët dhe të pranishmit, kryetari I bashkisë Sotiraq Filo u shpreh se Integrimi Europian dhe plotësimi I standarteve europiane është një synim që duhet përmbushur nga të gjitha njësitë e qeverisjes vendore. Mjeshtri Bujar Kapexhiu theksoi se arti i karikaturës është drejt zhdukjes në Shqipëri, por aktivitete të tilla ku marin pjesë të rinj të talentuar janë inkurajimi dhe mbështetja më e mirë për këtë gjini arti.
Nxënësit e shkollës së muzikës “Tefta Tashko Koço” performuan muzikë klasike dhe himnin e BE-së gjatë ceremonisë.
Për më shumë se një muaj qindra punime karikature u përgatitën nga të rinjtë, rreth sfidave me të cilat përballet vendi gjatë procesit të integrimit në BE.
Konkursi i Karikaturës në Korçë.
