5 Qershor, Dita Ndërkombëtare e Mjedisit është përcjellë nga Bashkia e Korçës me aksione pastrimi në disa zona, si dhe me lançimin e aplikacionit dixhital “Përmirëso Qytetin” në ambjentet e Parkut “Rinia”. Ky aplikacion ka për qëllim nxitjen e veprimit individual për të shtuar vetëdijen rreth çështjeve të mjedisit dhe për të përmirësuar dhe ruajtur ambjentet e përbashkëta. Në këtë aktivitet, kryebashkiaku Sotiraq Filo ka prezantuar grupin e punës të ngritur për t`u vendosur në shërbim të qytetarëve, të cilët do të monitorojnë dhe do t`i japin zgjidhje shqetësimeve të tyre.
Bëhu pjesë e zgjidhjes dhe përmirëso cilësinë e jetës në lagjen dhe komunitetin tënd!
Denonco ankesën tënde në adresën www.permiresoqytetin.al