Bashkia Korçë në bashkëpunim me Njësinë Administrative Lekas dhe Organizatën e Veteranëve të LANÇ organizuan një aktivitet përkujtimor në kuadër të Çlirimit të Krahinës së Oparit dhe krijimit të Këshillit Antifashist Nacional Çlirimtar të Qarkut Korçë. Në të morën pjesë personalitete dhe përfaqësues të institucioneve, veteranë, pasardhës të dëshmorëve dhe të ftuar të tjerë. Pas kryerjes së ritualit të vendosjes së kurorave në lapidarin kushtuar kësaj ngjarjeje, kryebashkiaku Sotiraq Filo në fjalën përshëndetëse të tij theksoi se përkujtimi i ngjarjeve të LANÇ ka rëndësi të veçantë. Janë këto ngjarje që mbartin me vehte vlera atdhetare dhe edukojnë brezat më të rinj të njihen me historinë dhe të vërtetat e saj, i bëjnë të krenohen me paraardhësit e tyre, me traditat e trimërisë dhe të atdhedashurisë, tradita të cilat duhet të transmetohen dhe të percillen brez pas brezi.
