72 vite më parë qyteti i Korçës ngriti flamurin e lirisë ndaj në këtë 24 Tetor, banorë, familjarë të dëshmorëve dhe veteranë si edhe përfaqësues të pushtetit vendor kanë zhvilluar një ceremoni simbolike ne shenjë nderimi e respekti.
Banda frymore e qytetit dhe Kori "Lira" kanë sjellë pjesë të repertorit të tyre duke i dhënë ngjyrat patriotike kësaj dite.
Kryebashkiaku i Korcës i pranishëm në këtë ceremoni, ka uruar qytearët e Korcës ndërsa ka shprehur mirënjohjen dhe vlerësimin për dëshmorët që i sollën Korcës lirinë.
Të pranishmit në këtë ditë kanë përcjellë mesazhin për më tepër bashkim dhe larg çdo lloj ndasie në emër të dashurisë për qytetin.