Të gjithë fëmijët e kopshteve dhe çerdheve të qytetit të Korçës i janë nënshtruar ekzaminimeve okulistike falas. Gjithçka është realizuar në ambjentet që ata frekuentojnë. Sot kemi përfunduar vizitat në kopshtin nr. 10 të qytetit ndërsa gjatë këtyre ditëve u kemi bërë vizita vogëlushëve të gjithë kopshteve dhe çerdheve të tjera të qytetit. Në bashkëpunim me klinikën " Tirana Retina Institut" kemi zhvilluar jo vetëm vizitat por edhe një seminar për ti orientuar mësuesit e tyre në mënyrë që ti evidentojnë fëmijët që mund të kenë probleme dhe të shmangin çdo vështirësi për ta.
