Në kuadër të programit "Qyteti mbështet të rinjtë" vlerësuam 55 nxënës ekselentë të shkollave të mesme për vitin 2015-2016. Bashkia e Korçës vazhdon të zbatojë çdo vit projektin “Bursa për gjimnazistët”, i cili synon stimulimin e nxënësve dhe nxitjen e tyre për të arritur rezultate të shkëlqyera. Duke qënë një program social-arsimor, përfitues janë nxënësit me të gjitha notat dhjeta për vitet e njëmbëdhjeta e të dymbëdhjeta në të gjitha shkollat e mesme publike dhe jopublike. Ky projekt ka si synim jo vetëm vlerësimin moral por edhe material të gjimnazistëve në formën e një burse mujore, e cila shërben si një formë e re nxitjeje për nxënësit me qëllim arritjen e rezultateve më të larta duke e kthyer arsimimin në një prioritet të tyre. Nxënësit e shkëlqyer u vlerësuan nga Kryetari i Bashkisë me çertifikata dhe për të gjithë të pranishmit në fund të aktivitetit u shërbye një koktej.
