Bashkia Korçë është përzgjedhur mes 4 bashkive në vend për të qenë pjesë e projektit pilot të BE, për stimulimin e turizmit. Ambasadorja Romana Vlahutin, gjatë një vizite në Bashkinë e Korçës, ka vlerësuar modelin e qytetit dhe potencialin kulturor, duke vendosur theksin tek zhvillimi i turizmit në standartet më të larta. Iniciativa e BE për të mbështetur biznesin me fokus turizmin, është diskutuar edhe në një takim të zhvilluar me operatorët turistikë, me qëllim përmirësimin e ofertave dhe shërbimeve për turistët.
