Në këtë përvjetor, Bashkia e Korçës nderon me titujt "Qytetar Nderi" dhe "Emblema e Artë" 35 personalitete të cilët me punën e tyre patriotike, dhanë një kontribut të madh në mësimin dhe përhapjen e gjuhës shqipe. Patriotizmi, atdhedashuria, kultura, filantropia dhe vlera të tjera të çmuara të korçarëve, u bënë toka ku hodhi rrënjët shkolla shqipe. Duke zhvilluar kështu një ideologji dhe kulturë të re, me karakter kombëtar e demokratik që kishte në thelb ruajtjen dhe lëvrimin e gjuhës shqipe, çeljen e shkollave në gjuhën amëtare dhe zhvillimin e letërsisë si mjete për ndërgjegjësim dhe afirmim kombëtar.
