PËRGJEGJËS SEKTORI NË NDËRMARRJEN MBËSHTETËSE TË ARSIMIT DHE ÇERDHES NË BASHKINË E KORÇËS
Bazuar në ligjin 139/2015 “Për vetëqeverisjen vendore”, datë 17.12.2015, ligjin 7961 datë 12.07.1995, “Kodi i Punës i Republikës së Shqipërisë” i ndryshuar, të ligjit nr.7582 datë 13.07.1992 Për ndërmarrjet shtetërore”, në Vendimin e Këshillit të Bashkisë Korçë nr. 135 datë 21.12.2017 “ Mbi miratimin e buxhetit të bashkisë për vitin 2018 të Bashkisë Korçë , në Vendimin e Këshillit të Bashkisë nr.131 datë 21.12.2017 ”Për miratimin e nivelit të pagave të punonjësve e të personave të tjerë të zgjedhur ose të emëruar në Institucionin e Bashkisë dhe Institucioneve të varësisë për vitin 2018” dhe Urdhërin e Kryetarit të Bashkisë nr. 5 datë 05.01.2018 “Për miratimin e strukturës të Ndërmarrjeve dhe Institucioneve në varësi të Bashkisë Korçë për vitin 2018” , Bashkia Korçë shpall pozicionin e punës si më poshtë :
1. Përgjegjës sektori në Ndërmarrjen Mbështetëse të Arsimit dhe Çerdhes
– Përshkrimi i përgjithshëm i punës:
Menaxhon punën për mirëmbajtjen e të gjitha institucioneve arsimore dhe çerdhes.
Përgatit preventivat sipas kërkesave të volumeve të punimeve që kanë nevojë isntitucionet arsimore.
Ndjek dhe kontrollon punimet që kryen firma fituese e tenderit të meremetimit të institucioneve asimore sëbashku me supervizorin.
Organizon, drejton dhe kontrollon punën që kryejnë punëtorët e prapavijës të Ndërmarrjes. etj
– Kushtet e pranimit dhe kriteret që duhet të plotësojnë kandidatët;
– Të jetë shtetas shqiptar;
– Të ketë zotësi të plotë për të vepruar;
– Të zotërojë gjuhën shqipe, të shkruar dhe të folur;
– Të jetë në kushte shëndetësore që e lejojnë të kryejë detyrën përkatëse;
– Të mos jetë i dënuar me vendim të forms së prerë për kryerjen e një krimi apo për kryerjen e një kundërvajtjeje penale me dashje;
– të mos ketë ndaj tij masa disiplinore që nuk janë shuar;
– Kandidati aplikues duhet të plotësojë kërkesat e posaçme si më poshtë:
– Të zotërojë diplomë të nivelit “Master Shkencor”,
– Të ketë eksperiencë pune të ngjashme
– Dokumentacioni që duhet të dorëzojë:
Kandidatët që aplikojnë duhet të dorëzojnë dokumentat si më poshtë:
– Kërkesë për aplikim
– Jetëshkrim i plotësuar në përputhje me dokumentin tip që e gjeni në linkun: http://dap.gov.al/vende-vakante/udhezime-dokumenta/219-udhezime-dokumenta
– Fotokopje e kartës së identitetit
– Fotokopje të diplomës (përfshirë edhe diplomën bachelor);
– Fotokopje të librezës së punës (të gjitha faqet që vërtetojnë eksperiencën në punë);
– Vërtetim të gjendjes shëndetësore;
– Vetëdeklarim të gjendjes gjyqësore.
– Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj;
Aplikimi dhe dorëzimi i të gjitha dokumentave të cituara më sipër, do të bëhen pranë njësisë së Burimeve Njerëzore, Bashkia Korçë ose nëpërmjet shërbimit postar brenda datës 02.03.2018.
Lista e kandidatëve të cilët do të plotësojnë kriteret për të vazhduar konkurimin do të publikohet në faqen zyrtare të institucionit si dhe në stendat e informimit qytetar si dhe do të njoftohen me e-mail dhe për datën , vendin dhe orën e testimit.
Gjithashtu, kandidatët që nuk kualifikohen do të njoftohen me e-mail për arsyet e mos kualifikimit.
– Fushat e njohurive, aftësitë dhe cilësitë mbi të cilat do të zhvillohet
testimi dhe intervista
Kandidatët do të testohen me shkrim për njohuritë mbi :
– Njohuritë mbi legjislacionin për organizimin dhe funksionimin e qeverisjes vendore;
– Ligji 139/2015 “Për vetëqeverisjen vendore”
– Ligji 68/2017 “Për financat e vetëqeverisjes vendore”
– Ligji “Kodi i Procedurave Administrative”
– Ligjit nr.7582 datë 13.07.1992 Për ndërmarrjet shtetërore”,
Kandidatët gjatë intervistës së strukturuar me gojë do të vlerësohen në lidhje me:
a- Njohuritë, aftësitë, kompetencën në lidhje me përshkrimin e pozicionit të punës;
b- Eksperiencën e tyre të mëparshme;
c- Motivimin, aspiratat dhe pritshmëritë e tyre për karrierën.
Mënyra e vlerësimit të kandidatëve
Kandidatët do të vlerësohen në lidhje me:
a- Vlerësimin me shkrim, deri në 40 pikë;
b- Intervistën e strukturuar me gojë qe konsiston ne motivimin, aspiratat dhe pritshmëritë
e tyre për karrierën, deri në 40 pikë;
c- Jetëshkrimin, që konsiston në vlerësimin e arsimimit, të përvojës e të trajnimeve, të
lidhura me fushën, deri në 20 pikë.
Data e daljes së rezultateve të konkurrimit dhe mënyra e komunikimit:
Në përfundim të vlerësimit të kandidatëve, Drejtoria e Burimeve Njerëzore në Bashkinë e Korçës do të njoftojë ata individualisht në mënyrë elektronike për rezultatet (nëpërmjet adresës së e-mail).njësia e burimeve njerëzore në Bashkinë e Korçës do të shpallë fituesin në faqen zyrtare dhe në stendat e informimit të publikut.
|
|
KRYETARI
Sotiraq FILO