Ish- Presidenti i Asamblesë Parlamentare të Këshillit të Europës, politikani i njohur holandez z. Rene van der Linden vlerësohet me titullin "Qytetar Nderi" i Korçës. Këshilli Bashkiak i Korçës, i akordoi z. Rene van der Linden titullin e lartë "Qytetar Nderi" me motivacionin: “Personalitetit të shquar të politikës hollandeze , që me kontributin e tij do t'i japë një vlerë unike vendit tonë për rrugën drejt Bashkimin Europian ”. Në ceremoninë e rastit ku u promovua edhe libri "Shqipëria mund të bëhet" me autor Dr. Ylli Çabiri, morën pjesë intelektualë, përfaqësues të institucioneve, komuniteteve fetare dhe Universitetit "Fan S. Noli". Më herët z. Rene van der Linden zhvilloi edhe një vizitë në Bashkinë e Korçës, ku u prit nga kryebashkiaku z. Sotiraq Filo.