REPUBLIKA E SHQIPËRISË
BASHKIA KORÇË
Korçë, më 15.08.2019
NJOFTIM
Për përzgjedhjen e operatorit/operatorëve në linjat rrethqytetëse
të transportit të udhëtarëve të Bashkisë Korçë
Bazuar në ligjin nr. 8308, dt. 18.03.1998, "Për transportet rrugore", i ndryshuar, neni 15, neni 19; udhëzimin nr. 5627, dt. 18.11.2016, e Ministrit të Transportit dhe Infrastrukturës, “Për përcaktimin e kritereve, rregullave dhe dokumentacionit për lëshimin e liçencave dhe çertifikatave për ushtrimin e veprimtarisë në transportin rrugor të udhëtarëve brenda vendit”, të ndryshuar, neni 11; urdhërin e Kryetarit të Bashkisë Korçë nr. 694, datë 14.08.2019, “Për përzgjedhjen e subjektit/subjekteve që do të liçencohen në linjat e rregullta rrethqytetëse të transportit rrugor të udhëtarëve të Bashkisë Korçë”:
Bashkia Korçë njofton zhvillimin e konkursit për përzgjedhjen e operatorit/operatorëve në linjat rrethqytetëse të transportit të udhëtarëve si më poshtë:
|
NR. |
LINJA |
NR. I MJETEVE |
|
1. |
Porodinë – Korçë – Porodinë |
1 (një) |
|
2. |
Dardhë – Korçë – Dardhë |
1 (një) |
|
3. |
Turan – Korçë – Turan |
1 (një) |
|
4. |
Lekas – Korçë – Lekas |
1 (një) |
|
5. |
Marjan – Korçë – Marjan |
1 (një) |
|
6. |
Shtyllë – Vithkuq – Shtyllë |
1 (një) |
|
7. |
Gjonomadh – Korçë – Gjonomadh |
1 (një) |
|
8. |
Lavdar – Korçë – Lavdar |
1 (një) |
Subjekti fizik ose juridik duhet të disponojë automjete të përshtatshme për kryerjen e transportit të udhëtarëve dhe duhet të dorëzojë pranë Bashkisë Korçë dokumentacionin për pjesëmarrjen në konkurs në përputhje me kërkesat e udhëzimit nr. 5627, dt. 18.11.2016, të ndryshuar, si më poshtë:
- Kërkesa.
- Formulari i autodeklarimit (për drejtuesin / drejtuesit e veprimtarisë).
- Vërtetimi nga Gjykata (për drejtuesin / drejtuesit e veprimtarisë).
- Vërtetimi nga Prokuroria (për drejtuesin / drejtuesit e veprimtarisë).
- Dokumentacioni i kredibilitetit bankar.
- Çertifikata e kompetencës profesionale në transportin rrugor (në rast se subjekti disponon më shumë së një mjet).
- Çertifikata e regjistrimit dhe ekstrakti i regjistrit tregëtar për të dhënat e subjektit nga Q.K.B.
- Leja e qarkullimit (për çdo autobus).
- Çertifikata e kontrollit teknik (për çdo autobus).
- Akt-vlerësimi në plotësimin e kushteve të komoditetit në transportin e udhëtarëve (për çdo autobus).
- Çertifikata e kalibrimit të tahografit (për çdo autobus).
- Kontrata për sigurimin e automjetit (për çdo autobus).
- Kontrata për sigurimin e pasagjerëve (për çdo autobus).
- Leja e drejtimit.
- Çertifikata e Aftësimit Profesional.
- Kontrata e punësimit (në rast se drejtuesi i mjetit nuk është pronar i tij).
- Kontrata me agjensinë për transport udhëtarësh brenda vendit.
- Vërtetim nga Drejtoria e të Ardhurave të Bashkisë Korçë, mbi kryerjen e pagesës të taksave dhe tarifave vendore (për subjektet që kanë ushtruar aktivitet në periudhën e mëparshme).
Dokumentacioni dorëzohet në origjinal ose fotokopje e noterizuar.
Dokumentacioni të dorëzohet pranë Bashkisë Korçë, deri në datën 28.08.2019.
Kriteret bazë për klasifikimin e subjekteve, në rast se ka më shumë se një aplikant për linjën përkatëse, do të jenë sipas vendimit të Këshillit të Bashkisë Korçë nr. 111, datë 11.10.2018. Klasifikimi bazohet në :
1. Vitin e prodhimit të automjetit.
2. Numrin e viteve që subjekti mund të ketë ushtruar veprimtarinë në transportin e udhëtarëve me autobusë.
Për informacion më të detajuar subjektet e interesuara mund të drejtohen pranë Bashkisë Korçë.