Korça qyteti me infrastrukturën më moderne në Shqipëri, do të jetë qyteti i parë që do të sigurojë një zgjidhje të ngrohjes së popullatës sipas standardeve bashkëkohore dhe miqësore me mjedisin. Pas furnizimit me ujë 24 orë për banorët, rinovimit total të rrjetit të kanalizimeve dhe trajtimit me një impiant modern të ujrave të përdorura, sot në një videokonferencë me përfaqësues të Bankës Europiane për Rindërtim dhe Zhvillim ( BERZH, EBRD ) në Londër dhe Tiranë, përfaqësues të Ministrisë së Infrastrukturës dhe Energjisë filluam projektin, i cili do të realizojë fillimisht studimin e fisibilitetit për ngrohjen e qytetit të Korçës duke përdorur burime të rinovueshme dhe pastaj edhe financimin për zbatimin e tij.
