Bashkia Korçë është përzgjedhur si një nga 6 bashkitë përfituese të projektit "Bashki të Forta", projekt i Agjencisë Zvicierane për Bashkëpunim dhe Zhvillim. Me ndihmën e këtij projekti po bëjmë të mundur përmirësimin e shërbimit dhe standardeve në të gjitha kopshtet e bashkisë në qytet dhe fshatra. Veç vëmendjes së shtuar për arsimin parashkollor, Qyteza e Fëmijëve dhe një paketë e plotë projektesh për fëmijët në bashkëpunim me UNICEF, janë dëshmi e përpjekjeve tona për ta kthyer Korçën në të parin qytet miqësor për fëmijët në Shqipëri.
