Muzetë frymëzojnë përmes eksperiencave që ata i dhurojnë vizitorëve, si dhe ruajnë identitetin dhe kulturën brenda çdo vepre që ekspozojnë. Krahas muzeve të shumtë që ka Korça, pa diskutim më unikët në Shqipëri, shtëpia e piktorit "Vangjush Mio" mbetet një nga pasuritë kulturore më të rëndësishme, tashmë përfituese e Bonusit të Rijetëzimit. Ka filluar puna për restaurimin e fasadës dhe tre hapësirave të reja ku do të ekspozohen për herë të parë punët dhe sendet e piktorit, si një vlerë e shtuar jo vetëm për artdashësit korçarë por edhe gjithë turistët që do të vizitojnë veprat e rralla të tij.
