"Ikonat çudibërëse dhe reliktet e shenjta të Ballkanit", është ekspozita e çelur në ambientet e Muzeut të Artit Mesjetar në bashkëpunim me Ambasadën e Republikës së Bullgarisë. Sjellja e një ekspozite kaq të veçantë, studim tepër i vlefshëm nga Instituti Sllavo-Bizantin për të gjithë gadishullin Ballkanik, nuk mund të rrinte më mirë se sa në një muze të mbushur me ikona dhe objekte religjioze, mrekullisht të shpëtuara. Ky është vetëm fillimi i bashkëpunimeve kulturore me një vend mik me kultura dhe tradita të përbashkëta si Bullgaria.
