Në një nga sallat e Bibliotekës “Thimi Mitko” në Korçë është shfaqur filmi “Mbjellja e Pemëve”, me regji të Fabio Seferit dhe me lojën e aktorëve të jashtëzakonshëm të skenës shqiptare si: Luiza Xhuvani, Kastriot Çaushi dhe Gulielm Radoja, për të cilin ndodhi të ishte filmi i fundit ku do të merrte pjesë. Shfaqjet që Qendra për Hapje dhe Dialog COD sjell për publikun artdashës janë një vlerë e shtuar për kalendarin e eventeve kulturore në Korçë.
