“Të gjithë në borë” ishte aktiviteti që bëri bashkë disa të rinj në skipistën e Dardhës, me qëllim përhapjen dhe masivizimin e sportit të skive në të gjithë vendin dhe për të gjitha moshat. Pista e skive në Dardhë është e vetmja e këtij lloji në Shqipëri që bën të mundur ushtrimin e sporteve dimërore, duke u kthyer në një prej destinacioneve më të frekuentuara gjatë sezonit të dimrit. Së bashku me skipistën që bashkia do të ndërtojë së shpejti në Korçë do të plotësojë të gjitha standardet e garave olimpike, por edhe rritjen e numrit të turistëve vendas e të huaj që zgjedhin Korçën për të pushuar.
