Më shumë hapësira të gjelbra në lagjen 16 të qytetit

Më shumë hapësira të gjelbra në lagjen 16 të qytetit

Vazhdon puna për pastrimin e çdo territori të qytetit. NSHP ka larguar inertet në një prej shesheve para pallateve në lagjen 16 të qytetit. Kjo hapësirë pas pastrimit do të sistemohet duke u kthyer në një lulishte që vjen në harmoni me infrastrukturën e zonës. ‪#‎KorçaeGjelbër‬

 

 

Më shumë hapësira të gjelbra në lagj. 10 të qytetit

Më shumë hapësira të gjelbra në lagj. 10 të qytetit

Ndërmarrja e Shërbimeve Publike pas përfundimit të punimeve për rehabilitimin dhe sistemimin e lulishtes në Rr. "Teli Samsuri", vazhdon punën për shtimin e sipërfaqeve të gjelbra në këtë zonë. Së shpejti një tjetër lulishte në shërbim të banorëve.

Iniciativë vullnetare e studentëve të Universitetit "Fan S. Noli"

Iniciativë vullnetare e studentëve të Universitetit "Fan S. Noli"

Vlerësim dhe falenderim i veçantë nga institucioni i Bashkisë Korçë për grupin e studentëve të Universitetit “Fan S. Noli”, të cilët në bashkëpunim me NSHP dhe Njësinë Kreative, riparuan dhe lyen këndin e lojrave tek parku Shën Maria. Është krenari që të rinjtë përfshihen në aktivitete sociale me qëllim zhvillimin e qytetit, duke dhënë kontributin e tyre në shërbim të shoqërisë.

Respekt dhe mirënjohje ndaj këtij shembulli QYTETARIE!

#sëbashkupërKorçën

Lulishtja "Themistokli Gërmenji"

Lulishtja "Themistokli Gërmenji"

Gjatë punës për rehabilitimin dhe sistemimin e lulishtes "Themistokli Gërmenji". Kujdesemi me përkushtim për sipërfaqet e gjelbra, për t`i shtuar frymëmarrjen Korçës. ‪#‎KorçaeGjelbër‬

 

 

Lulishte në lagjen 10 të qytetit

Lulishte në lagjen 10 të qytetit

Avancojnë punimet për sistemimin dhe rehabilitimin e lulishteve në lagjen 10, rruga "Teli Samsuri". Falë punës së palodhur të Ndërmarrjes së Shërbimeve Publike pranë Bashkisë Korçë, së shpejti kësaj zone do t`i shtohen ambjentet çlodhëse dhe hapësirat e gjelbra në dobi të banorëve. 
‪#‎KorçaeGjelbër‬

Lulishtja tek Qendra Kulturore e Fëmijëve

Lulishtja tek Qendra Kulturore e Fëmijëve

Kolegët e Shërbimeve Publike, Bashkia Korçë, vazhdojnë punën për të hijeshuar lulishten e re tek Qendra Kulturore e Fëmijëve. Vendosëm lule shumëngjyrëshe për këtë oaz çlodhës për banorët. ‪#‎KorçaeGjelbër‬

Rehabilitimi i lulishteve në lagjen 10

Rehabilitimi i lulishteve në lagjen 10

Ndërmarrja e Shërbimeve Publike Bashkia Korçë, filloi punën për rehabilitimin e lulishteve në lagjen 10, rruga“Teli Samsuri”. Gjatë këtyre punimeve do të bëhet vendosja e bordurave dhe sistemimi i një sipërfaqeje të gjelbër prej 2000 m2.

Sipërfaqet e gjelbëruara

Sipërfaqet e gjelbëruara

Ndryshimet pozitive që sjellin gjithmonë e më shumë mirqënie për qytetarët korçarë vazhdojnë të bëhen të prekeshme falë përkushtimit dhe investimeve të Bashkisë Korçë. Siperfaqet e gjelbëruara dhe lulishtet çdo ditë e më tepër transformohen dhe marrin pamje të re e moderne. Gjatë këtij viti në qytetin e Korçës janë rikonstruktuar e rimodeluar lulishtet dhe hapësirat midis pallateve në disa lagje të qytetit e puna vazhdon për të transformuar çdo cep të qytetit.

Punuam me dashuri për Korcën e gjelbër dhe të pastër

14 Lulishte dhe Parqe të rikonstruktuara

·         Parku “Shën Maria”

·         Lulishtja “Th. Gërmenji”

·         Lulishtja pranë muzeut “Vëllezërit Bratko”

·         Lulishte Rr.”Mihal Sharxhi”

·         Lulishte Rr.”Pandeli Cale”

·         Lulishte Lgj.14 Rr.”Gaqo Avrazi”

·         Lulishte Lgj.15

·         Lulishte Lgj.5 Rr.”Rexhep Telhaj”

·         Lulishte Rr.”28 Nëntori”

·         Lulishte Lgj.17

·         Lulishtja “Mihal Grameno”

·         Lulishtja “Vangjush Mio”

·         Lulishte tek blloku “Rinia”

·         Lulishtja “Naim Frashëri”

Mbjellje bari në lulishte  9100 m2                     

Mbiellje shkurre dekorative 7500 copë

Mbiellje drurë dekorativë 1732 copë në lulishte dhe kodrat e qyteti( 1100, 632)

Vendosje stolash të rinj 123 copë

Meremetim stolash egzistues 125 copë

Vendosje bordurash betoni në lulishte 1320 copë

Shtrim me pllaka rrugët dytësore në lulishte 2230 m 2

Vendosje shatërvanësh në lulishte 6 copë

Vendosje ndriçuesish të rinj në lulishte 80 copë

Vendosje kosha mbeturinash 30 copë

Ndriçim modern dhe ekonomik për lulishtet "Th. Gërmenji" dhe “V. Mio”

Ndryshimet pozitive që sjellin gjithmonë e më shumë mirëqënie për qytetarët korçarë vazhdojnë të bëhen të prekëshme falë përkushtimit dhe investimeve të Bashkisë Korçë. Dy  lulishte të rëndësishme  të qytetit u pajisën gjatë vitit 2014 me ndricues të rinj LED të teknologjisë të fundit. Avantazh i këtij ndriçimi bashkëkohor, janë parametrat më të mira të ndriçimit si edhe kursimi i energjisë elektrike i cili sigurohet falë kësaj teknologjie të re. Në keto vende argëtimi dhe pushimi janë vendosur 36 shtylla ndriçimi të cilat kanë siguruar ambiente të ndriçuara dhe komode për qytetarët. 

Punime të tjera

Tek lulishtja “Th. Germenji” u  rikonstruktuan rreth 30 m linear rrugë dytësore, u vendosën stolave të rinj dhe u riparuan 20 stolave të tjerë ekzistues. Një vlerë e shtuar e kësaj lulishteje është edhe busti i atdhetarit Themistoki Gërmenji i cili mori një pamje dinjitoze falë sistemimit që iu bë nga puna gjatë këtij investimi. Impakt të madh  pati vënia në funksionim të plotë e shatërvaneve, të cilët janë monumente të rëndesishme për identitetin e qytetit.

Pamje e re për Parkun “Shën Maria”

Këtë vit qytetarët prekën nga afër transformimin edhye ne Parku “Shën Maria”. Në këtë park janë mbjellë lule dhe bimësi e shumllojshme, është shtruar 300 metra trotuar i ri dhe rrugë dytësore, janë vendosur 40 stola të rinj si edhe janë rikonstruktuar 40 stola të tjerë egzistues. Janë vendosur gjithashtu edhe kosha të rinj mbeturinash në të gjithë sipërfaqen e parkut. Risia e këtij parku është vendosja e një shatërvani në qendër të tij, shatervan i cili ja shton edhe më shumë hijeshinë dhe vlerat.

Lulishtja "Mihal Grameno"

Rivitalizim i plotë

Ndërmarrja e Shërbimeve Publike pranë Bashkisë Korçë ka ndërhyrë këtë vit me punime tek Lulishtja “Mihal Grameno” përballë spitalit, e cila tashmë ka marrë pamjen që meriton. Në këtë lulishte janë shtruar 630 m2 pllaka, janë vendosur 25 stola te rinj, është rikonstruktuar çezma karakteristike e kësaj lulishteje, janë rigjeneruar siperfaqet e gjelbëruara të cilat ishin dëmtuar, janë vendosur 5 ndriçues modernë të teknologjisë më të lartë të ndriçimit LED, si edhe është sjellë në identitet mbas shumë vitesh shatërvani karakteristik. Tashmë të gjithë qytetarët të cilët frekuentojnë këtë lulishte kanë mundësi të relaksohen në kushte të përmirësuara dhe më moderne. Vec punimeve në këtë lulishte, bashkia ka ndërhyrë edhe me shtimin e nje sipërfaqeje të re clodhëse në këtë zonë, përbri Muzeut të Artit Orjental “Bratko”.

 

Nisma riniore i shton 180 pemë të reja kurorës së gjelbër të qytetit

Një frymëmarrje e re i është shtuar qytetit të Korçës. Falë iniciativës "Mbill pemën tënde" dhe mbështetjes të Ndermarrjes së Shërbimeve Publike pranë Bashkisë Korçë janë mbiellë në kodrat e qytetit 180 rrënjë pemë të llojeve të ndryshme si akacje, panja, mështekna, plepa etj. Me dhjetra qytetarë i janë bashkuar kësaj iniciative për të mbjellë pemën e tyre. I pranishëm për të mbiellë pemën e tij ka qënë edhe Kryebashkiaku Sotiraq Filo, i cili përgëzoi dhe uroi jo vetëm të rinjtë ideatorë të kësaj iniciative por edhe qytetarët korçarë që gjithmonë janë të gatshëm të bashkohen me iniciativa të tilla për ti sjellë qytetit më tepër gjelbërim.

back