Ka përfunduar edhe asfaltimi i Rrugës “Qamil Panariti” në Lagjen 6.

Vijohet puna për të sjellë urbanizim në çdo cep të qytetit.

Vijohet puna për urbanizimin e zonave rurale, ku sapo përfundoi puna për asfaltimin e një prej rrugëve në fshatin Voskop.

Punë e projekte të tjera do të vazhdojnë për përmirësimin e infrastrukturës rrugore në Voskop por edhe në çdo fshat pjesë e Bashkisë Korçë.

Rikonstruksioni i Shkollës “Themistokli Gërmenji” në Korçë po ecën me hapa të shpejtë.

Hapësirat e rikonstrukturuara do të krijojnë mundësi të shtuara për një proces mësimor dhe edukativ sipas standardeve europiane.

Çelet Konkursi Ndërkombëtar për rikonstruksionin e Stadiumit Skënderbeu. Stadiumi i Korçës do të kthehet në një qendër dinjitoze sportive me standarde europiane ashtu si kishim premtuar dhe ashtu si Korça e meriton.

Bashkë me përfaqësues të kompanisë më të madhe të gazit në Azerbaijan SOCAR dhe drejtues të kompanisë shqiptare të gazit ALBGAZ, u zhvilluan sot një sërë takimesh konsultative me përfaqësues të shoqërisë civile, biznese, policinë dhe industritë që operojnë në Bashkinë Korçë, si një prej komponentëve më të rëndësishëm për vazhdimësinë e këtij projekti.

Korça do të ketë së shpejti një stadium të ri!

Konkurset ndërkombëtare brenda pranverës do t’i japin udhë 3 projekteve madhore për stadiumet e Korçës, Vlorës dhe Durrësit! Ky projekt për Korçën ka vlerë të jashtëzakonshme pasi do të plotësojë infrastrukturën e zonës më të madhe sportive në Shqipëri!

Bashkia Korçë ka filluar punën për rikonstruksionin e plotë të Shkollës "Themistokli Gërmenji" në Korçë. Projekti përfshin transformimin rrënjësor të ambienteve, ndërtimin e një palestre të re, kabinetin e ri laboratorik dhe vendosjen e të gjitha paisjeve të nevojshme për zhvillimin e mësimit në standarde bashkëkohore.

Filloi rikonstruksioni i rrugëve të brendshme në bllokun e pallateve dy katëshe mbi shkollën e infermierisë. Asfaltimi, trotuaret e rinj dhe hapësirat e parkimit në këtë pjesë të qytetit janë pjesë e projektit tonë për përmirësimin e infrastrukturës në Lagjen 4.

Në lagjen 4 dhe 6 inspektuam punimet për rikonstruksionin e çative të disa objekteve me qëllim përmirësimin e kushteve të banimit.

Puna është drejt përfundimit në të gjitha objektet e parashikuara në shumë lagje në qytetin e Korçës.

Shkolla “Tefta Tashko Koço” do të rikonstruktohet.

Lajmin e shumëpritur është dhënë sot nga Kryetari i Bashkisë Korçë dhe Kryetarja e Këshillit të Qarkut, Ana Verushi si institucion financues i këtij projekti të rëndësishëm për përmirësimin e kushteve të një prej shkollave më të rëndësishme në Korçë.