81.000.000 lekë u investuan për rikonstruksionin e rrugës “Don Gjon Buzuku” dhe sheshit në krah të Poliklinikës

Pazari i Vjetër i Korçës, një element identifikues i qytetit, përmes një investimi gjigand dhe të detajuar i rikthehet lavdisë së dikurshme. Ndërhyrja në këtë monument të vyer kulturor është ndarë në disa faza të cilat u konkretizuan fillimisht përmes restaurimit të godinave me vlera historike e arkitekturore e më tej përmes planifikimit të aktivitetit që e kthen atë në një pol të ri zhvillimi ekonomik-turistik.

Një tjetër vlerë i shtohet qytetit të Korçës përmes investimit prej 38 milion lekë në sheshin e xhamisë “Iljaz Bej Mirahori”. Sistemimi i gjithë hapësirës përreth kësaj xhamie e cila është monumenti më i vjetër i qytetit, ka mundësuar rikthimin e vlerave jo vetëm historike e kulturore por edhe evidentimin arkitektonik të saj. Stili unik që e bën këtë xhami ndër më të veçantat në Ballkan , i rrethuar edhe nga një hapësirë e kuruar në aspektin infrastrukturor, i rikthen asaj vendin e nderit që i takon mes objekteve të tjera të madhështisë.