RIKONSTRUKSIONI I PLOTË I SHKOLLËS 9-VJEÇARE “STAVRI THEMELI”

RIKONSTRUKSIONI I PLOTË I SHKOLLËS 9-VJEÇARE “STAVRI THEMELI”

Me një vlerë prej 50 milionë lekë është bërë  rikonstruksioni i plotë i shkollës Stavri Themeli ku zhvillojnë mësimin 450 nxënës. Puna ka përfshirë të gjitha ambjentet e brendëshme dhe të jashtëme të godinës, rinovimin e palestrës dhe rrethimin e shkollës. Ky investim i  rëndësishëm ka bërë të mundur transformimin e plotë të një prej shkollave më të rëndësishme të qytetit duke e kthyer atë në një institucion arsimor me standarte bashkëkohore.

SHËTITORE “FAN NOLI” Infrastrukturë bashkëkohore për mjetet dhe këmbësorët, korsi biçikletash dhe gjelbërim.

SHËTITORE “FAN NOLI” Infrastrukturë bashkëkohore për mjetet dhe këmbësorët, korsi biçikletash dhe gjelbërim.

Bulevard “Fan Noli”, pjesë e rëndësishme për lëvizjen e qytetarëve të Korçës do të vijë tërësisht i rikonstruktuar  për të lehtësuar jo vetëm lëvizjen e mjeteve dhe këmbësorëve por edhe me një vizion tjetër zhvillimi. I konsideruar si një nga akset më të rëndësishme në qytetin e Korçës, që shtrihet nga kryqëzimi i rrugës së Mborjes deri tek Pazari i Vjetër i Korçës, Bulevardi “Fan Noli” po rindërtohet falë një investimi që kap vlerën  1.4 milion €. Projekti përfshin edhe ndriçimin e unazës së qytetit e cila i jep zgjidhjen definitive problematikës së kësaj pjese të rëndësishme të Korçës.

MASTERI I RESTAURIMIT NË KORÇË

MASTERI I RESTAURIMIT NË KORÇË

Këshilli i Akreditimit të Arsimit të Lartë liçensoi Masterin e Restaurimit në Korçë - bashkëpunim i Universitetit Politeknik të Tiranës, Universitetit La Sapienza, Rome, Universitetit të Firences, Universitetit të Napolit dhe atij të Barit me mbështetjen financiare të Bashkisë Korçë. Shembulli i parë i bashkëfinancimit të universiteteve nga donatorë, mundësuar nga ligji i ri i Arsimit të Lartë. Arkitektë dhe inxhinierë ndërtimi nga Shqipëria dhe vendet fqinjë do të kenë mundësinë të ndjekin studimet e Masterit të parë të Restaurimit, nga profesorë shqiptarë në Korçë.

 

 

KOMPLEKSI MULTIFUNKSIONAL SPORTIV DHE KULTUROR

KOMPLEKSI MULTIFUNKSIONAL SPORTIV DHE KULTUROR

 Investim 565 milionë lekë në shërbim të qytetarëve. Ndërtimi i  "Qendrës Shumëfunksionale për Fëmijë''- një objekt simbol për aktivitetet kulturore e sportive dhe unik në arkitekturën e vet. Investim model, i pari i këtij lloji në Shqipëri. Projekti i ri shfrytëzon strukturën ekzistuese e cila është e ndarë në dy pjesë duke zhvilluar brenda tyre fushën sportive të lojrave me dorë dhe një objekt 3 katesh të Muzeut të Fëmijëve. Salla e sportit do të jetë në shërbim të eventeve kulturore të qytetit dhe kryesisht do të ketë synim për aktivitete të fëmijëve dhe adoleshentëve.

back