Takim me kryebashkiakun e Selanikut z.Konstantinos Zervas

Takim me kryebashkiakun e Selanikut z.Konstantinos Zervas

Kryetari i Bashkisë Korçë ka realizuar në Selanik takimin e parë zyrtar me kryebashkiakun e Selanikut z.Konstantinos Zervas, si mundësi për t’i hapur rrugën bashkëpunimit në projekte konkrete mes dy bashkive. Në takim u veçua rëndësia që ka komuniteti shqiptar në Selanik, tashmë i integruar dhe kontributor aktiv në jetën aty, si urë shumë e rëndësishme që i lidh me njëri-tjetrin. Bashkëpunimet ne art, kulturë, sport, turizëm, arsim universitar, teknologji e informacionit dhe biznes janë fushat ku dy kryebashkiakët ndanë interesin e përbashkët. Kryetari Filo i bëri ftesë z.Konstantinos Zervas për të vizituar së shpejti Korçën e për të detajuar së bashku më konkretisht projekte të përbashkëta në fushat për të cilat dakordësuan.

back