RIJETËZIMI I SHESHIT TË XHAMISË “ILJAZ BEJ MIRAHORI”

Një tjetër vlerë i shtohet qytetit të Korçës përmes investimit prej 38 milion lekë në sheshin e xhamisë “Iljaz Bej Mirahori”. Sistemimi i gjithë hapësirës përreth kësaj xhamie e cila është monumenti më i vjetër i qytetit, ka mundësuar rikthimin e vlerave jo vetëm historike e kulturore por edhe evidentimin arkitektonik të saj. Stili unik që e bën këtë xhami ndër më të veçantat në Ballkan , i rrethuar edhe nga një hapësirë e kuruar në aspektin infrastrukturor, i rikthen asaj vendin e nderit që i takon mes objekteve të tjera të madhështisë.

· Rindërtimi i Kullës së Sahatit, si element i pandarë në hapësirën e  këtij sheshi, sillet si pika përmbyllëse e ansamblit harmonik mes pazarit të vjetër të qytetit dhe kësaj zone. Ndërtimi i kullës historike së bashku me sistemimin e gjithë hapësirës së sheshit e shton këtë zonë në listën e gjatë të atraksioneve turistike për Korçën.

· Kopshti i Parajsës

Në krah të xhamisë “Iljaz Bej Mirahori”, u ndërtua “Kopshti i Parajsës”. Investimi modern  vjen si një oaz çlodhës në zemër të qytetit. Qytetarët prekën nga afër transformimin e gjithë sheshit i cili morri një pamje dinjitoze falë punës gjatë këtij investimi.