Muzeume, galeri – Bashkia Korce

Muzeu Kombëtar i Artit Mesjetar

Lorena Saro — Wed, 15 Jan 2025 10:54:14 +0000

Muzeu Kombëtar i Artit Mesjetar në Korçë është një nga hapësirat më të bukura muzeore dhe një nga destinacionet më të rëndësishme të trashëgimisë tonë kulturore, i cili ka pritur përgjatë vitit që lamë pas më shumë se 37.000 vizitorë vendas dhe të huaj.

Të shumtë kanë qenë vizitorët edhe në ditët e para të këtij viti, të cilët janë mrekulluar nga objektet e ekspozuara në këtë muze.

59 aktivitete me nxënës janë zhvilluar përgjatë vitit 2023 në muzeumet e Korçës

korca — Fri, 26 Jan 2024 00:00:00 +0000

59 aktivitete të ndryshme me nxënës nga të gjitha moshat janë zhvilluar përgjatë vitit 2023 në muzeumet e Korçës. Programet edukative përmbledhin shumë aktivitete të ndryshme si: vizita muzeale, orë mësimore, trajnime, leksione, etj, ku në fokus janë gjithmonë fëmijët, nxënësit dhe studentët. Qëllimi është jo vetëm njohja e trashëgimisë kulturore të vendit, por nxitja, frymëzimi, krijimi dhe përshtatja e hapësirave të mendimit për të ardhmen.

Muzeu i Arsimit mirëpret një numër të lartë vizitorësh

korca — Fri, 07 Jul 2023 00:00:00 +0000

Muzeu Kombëtar i Arsimit është një vlerë identifikuese e Korçës arsimdashëse dhe njerëzve të saj që në breza kanë aspiruar progres. Ky muze është kthyer në një prej destinacioneve më të vizituara. Përgjatë këtij viti ka pritur 7000 vizitorë vendas dhe të huaj.

Shifra rekord të vizitorëve në Muzeun Kombëtar të Artit Mesjetar

korca — Fri, 23 Jun 2023 00:00:00 +0000

Muzeu Kombëtar i Artit Mesjetar në Korçë është një nga hapësirat më të bukura muzeore dhe një nga destinacionet më të rëndësishme të trashëgimisë sonë kulturore, i cili ka pritur përgjatë këtij viti 13.000 vizitorë vendas dhe të huaj. Kryesisht vizitorët kanë qenë nga këto shtete: Itali, Gjermani, Francë, Holandë dhe Spanjë. Muzeu Kombëtar i Artit Mesjetar ka një fond të pasur prej 8000 objektesh, prej të cilave dallon koleksioni i ikonave. Ky koleksion mbart një vlerë të madhe historike, artistike dhe fetare.

Piktori i vogël në muze

korca — Fri, 04 Nov 2022 00:00:00 +0000

Muzeu Kombëtar i Artit Mesjetar është një vlerë e trashëgimisë sonë kulturore i vizituar nga 20 000 vizitorë deri në muajin tetor.

"Piktori i vogël në muze" është programi edukativ, që ka bërë bashkë fëmijët e kopshtit "Frymë dashurie", të cilët kanë ngjyrosur vizatime nga libri "Ikonat" duke shpalosur spontanitetin fëminor në përzgjedhjen e ngjyrave.

Kontakto:

korca — Wed, 21 Dec 2016 00:00:00 +0000

Muzeu Kombëtar i Artit Mesjetar, Arsimit dhe Arkeologjik Korçë
Adresa: Rruga "Sotir Peci" Nr. 2 Korçë
Tel: 08 243022
Fax: 08 243022
email: lorenc.glozheni@muzeumesjetar.gov.al
Website: www.muzeumesjetar.gov.al
Facebook: Muzeumet Korçë
Harta Interaktive: Muzeu i Artit Mesjetar

Drejtoria Rajonale e Kulturës Kombëtare Korçë
Adresa: Rruga "Lefter Serafini", Korçë
Tel: 08 2243122
Website: www.drkkkorce.gov.al
Facebook: DRKK Korçë
Harta Interaktive: DRKK Korçë

Muzeume

korca — Sat, 13 Sep 2014 00:00:00 +0000

Nr.	Emri i muzeut	Adresa	Kontakt: tel/fax
1	Muzeu Arkeologjik	Rruga "Sotir Peci" Nr. 2 Korçë	082 243022 / 082252800
2	Muzeu Oriental Bratko	Blv. "Fan Noli", Korçë	82243056
3	Muzeu i Artit Mesjetar	Blv. "Fan Noli", Korçë	082 243022
4	Muzeu Kombëtar i Arsimit	Blv. "Shën Gjergji", Korçë	082243022 / 082243022
5	Shtëpia muze e “V.Mios”	Rr. "Mihal Grameno", Korçë	82244332
6	Tuma e Kamenicës	Kamenicë, Korçë	08 2243122
7	Drejtoria Rajonale e Kulturës Kombëtare Korçë	Rr. "Lefter Serafini", Korçë	08 2243122
8	Muzeu "Gjon Mili"	Blv. "Shën Gjergji", Korçë	082244878

Hani i Elbasanit

korca — Mon, 15 Dec 2008 00:00:00 +0000

Në zonën e Pazarit të vjetër ndodhet një ndër “hotelet” më të vjetra me emrin Hani i Elbasanit i ndërtuar në shekullin XVIII. Kjo ndërtesë është e stilit otoman, e cila edhe pse është restauruar dhe është kthyer në hotel, ka ruajtur ende fizionominë dhe arkitekturën e atëhershme. Hani i Elbasanit është një ndërtesë dy katëshe, kati i dytë me ballkone të dekoruara prej druri të cilat bien mbi oborr.

Oborri i hanit është i shtruar me kalldrëm dhe në mes të të cilit ndodhet një pus. Në anën e majtë të derës së madhe prej druri ishin shkallët në formë të valëzuar prej guri që të ngjisnin në katin e dytë të hanit. Përveç hanit të Elbasanit ekzistues është edhe hani i Manastirit. Dikur kanë ekzistuar 16 hane të cilat janë përdorur si vend pushimi për tregtarët që vinin nga larg.

Monumentet

korca — Mon, 15 Dec 2008 00:00:00 +0000

Monumenti i Luftëtarit Kombëtar i cili ndodhet në Bul Gj. Kastrioti dhe është ndërtuar nga Odise Paskali më 1932

Monumenti i Themistokli Gërmenjit i cili ndodhet brenda lulishtes me të njëjtin emër dhe është ndërtuar në 1932 nga Odise Paskali

Monument ”Atentatori Kristaq Rama” i cili ndodhet tek Bul Shën Gjergji dhe është ndërtuar më 1976

Monumenti ”Naim Frasheri” i cili ndodhet në Rr.28 Nëntori dhe është ndërtuar nga Avni Bilibili më 1956

Monumenti ”Partizani” pranë varrezave të dëshmorëve tek kodrat e qytetit i cili është ndërtuar nga Avni Bilbili, Piro Dollaku e Ilia Xhano në vitin 1969

Busti i “Mihal Grameno” i cili ndodhet përballë spitalit dhe është ndërtuar në vitin 1969 nga Montas Dhrami

Busti i “Naum Veqilarxhit” i cili ndodhet në Bul Fan. Noli dhe është ndërtuar në vitin 1974

Buste “Tre kokat” (Naum Veqilarxhi, Thimi Mitko dhe Asdreni) ndodhet pranë bibliotekës e është ndërtuar nga Vladimir Topi, Avni Bilbili dhe Vladimir Kaçaku në vitin 2002

Obelisku ABC në oborrin e muzeut “Mësentorja e Parë Shqipe” është ndërtuar nga Kliti Kallamata në vitin 1987

Busti i Koci Bakos që ndodhet te Bul. Republika është ndërtuar nga Dhimitër Çani në vitin 1950

Obelisk + Relief Përkujtimore e Demonstratës së Bukës e ndërtuar nga Ilia Xhano e Piro Dollaku

Monumenti i Luftëtarit Kombëtar i ngritur si një shqiponjë e jo “si ëngjëll me kurorë në dorë” u bë frymëzim për atdhedashurinë, përçues i patriotizmit shqiptar. Tek kjo vepër dallojmë vlera të një krijimi të fuqishëm realist.

Aty mishërohen cilësitë e luftëtarëve të penës e të pushkës të rilindjes sonë kombëtare. Monumenti i Luftëtarit Kombëtar është jo vetëm ndër skulpturat e para monumentale, por edhe ndër më të mirat.

Monumenti i Themistokli Gërmenjit (1871-1917). Lindi në Korçë. Pjesëtar i lëvizjeve për liri e demokraci. Në krye të një çete të armatosur kundër pushtuesve osmanë (1912). Ka ndihmuar qeverinë e Ismail Qemalit.

Pas emigrimit u kthye në atdhe e luftoi me forca të armatosura kundër synimeve grabitqare të Greqisë e armiqve të tjerë të kombit. Kryetar i këshillit administrativ të republikës autonome të Korçës(1916). U dënua me pushkatim në Selanik (Greqi) nga një gjyq i forcave ushtarake franceze.

Varrezat e ushtarëve francezë

korca — Mon, 15 Dec 2008 00:00:00 +0000

Gjenden në verilindje, pikërisht në dalje të qytetit. Ju duhet të merrni rrugën “Republika”, pasi keni arritur pranë stadiumit, merrni rrugën në të djathtë që zgjatet nga stadiumi. Varreza gjendet 1 kilometër në të majtë dhe përmban 640 varre. Në të janë varrosur ushtarët francezë të rënë këtu në Luftën e Parë Botërore. Qytetarët korçarë janë kujdesur gjithnjë për këtë varrezë të çuditshme.

Bulevardi “Republika” është vendi kryesor i shëtitjeve të mbrëmjes. Bulevardi është rrethuar në të dyja anët nga shtëpi karakteristike me kangjella, me pemë dhe lule të sezonit.