Në datat 25 qershor deri 6 korrik 2009, Bashkia Korçë organizoi edicionin e dytë Ndërkombëtar “Skulptura e Parkut – Korça 2009”. Ashtu si edhe vitin e kaluar, të gjitha punët e skulptorëve u realizuan në natyrë tek Parku “Rina” të ndjekura me interes të veçantë nga qytetarët korçarë dhe vizitorë të qytetit.
Këto vepra kryesisht abstrakte, u realizuan në blloqe gurësh të bardhë të sjellë nga zona e Skraparit me dimensione të paracaktuara nga artistët.
Tetë skulptorët pjesëmarrës në Simpoziumin e dytë Ndërkombëtar Skulptura e Parkut, vijnë nga Britania e Madhe, Italia, Egjipti, Zelanda e Re, Gjermania, Japonia dhe Shqipëria.
Bashkia Korçë është e vendosur për organizimin e përvitshëm të këtij aktiviteti unik për nga lloji në Shqipëri, me synim krijimin në qytetin e Korçës të një muzeu të hapur të artit abstraksionist në Skulpturë.
Çfarë prezantojnë veprat e artistëve pjesëmarrës:
Ka realizuar në gur një qytet fantazmë, që evokon një botë magjike të lidhur me traditën artistike të qytetërimeve antike.Pas sugjerimeve të bëra idenë e tij e ka shkrirë me elemente të katedrales së Shën gjergjit të shkatërruar gjatë regjimit komunist.
Guliano Giussani – Itali
Vepra e tij përfaqëson një krijim, i cili sjell një harmoni estetike mes formës dhe shpirtit, duke gërshetuar format archetipike të mesdheut me strukturat me origjinë aziatike.
Nagi Fareed – Egjipt
Vepra që propozohet është një formacion gjeometrik me yje, duke kombinuar gurin i cili është simbol i përjetësisë me çelikun si metaforë e kohëve moderne.
Paora Te Ranguiaia – Zelanda e Re
Përgjithësisht veprat e tij ju referohen formave tipike të historive e miteve legjendare të popullit të Maorëve.
Jorg Plickat – Gjermani
Skulptura e tij është një krijim vertikal i cili prezanton një lloj skulpture –arkitekturë që evokon lartësitë e katedraleve gotike, por duke e lehtësuar me mjaft finesë peshën e gurit përmes formave gjeometrike.
Yoshin Ogata – Japoni
Artisti në veprën e tij shpërfaq temën e ujit, i cili është elementi më jetësor i ekzistencës njerëzore.
Genti Tavanxhiu – Shqipëri
Eshte pjesëmarrës edhe në simpoziumin e parë të zhvilluar vitin e kaluar në Korçë .
” Il Nodo d’amore” –” Nyja e dashurisë”. Ky është koncepti i veprës ku tema e dashurisë përcillet duke u identifikuar me simbolin e qënies njerëzore dhe të planetit Tokë.
Mattew Simmonds – Britania e Madhe