Njoftim për paraqitje ofertash

Bashkia Korçë, në kuadër të zbatimit të projektit “Hacathon-Korca Innovate”, fton operatorët ekonomikë të interesuar të paraqesin ofertat e tyre për realizimin e këtij projekti.

Të dhëna të përgjithshme

• Qëllimi i projektit: Zbatimi i projektit “Hacathon-Korca Innovate”: Hackathon “Korçë Innovate” është një iniciativë strategjike që synon të promovojë inovacionin, mendimin kritik dhe zhvillimin e aftësive praktike tek të rinjtë, përmes krijimit të zgjidhjeve konkrete për sfidat reale të identifikuara nga bizneset dhe aktorët lokalë në sektorët e turizmit, mjedisit, edukimit, shërbimeve dhe reklamimit.

Ky projekt funksionon si një mekanizëm lidhës midis të rinjve, institucioneve arsimore dhe sektorit privat, duke krijuar një platformë për identifikimin dhe implementimin e ideve inovative që kontribuojnë në rritjen e efikasitetit ekonomik, zhvillimin e punësimit dhe përmirësimin e shërbimeve lokale. Pjesëmarrësit do të angazhohen në bashkëpunim të drejtpërdrejtë me bizneset dhe ekspertët përkatës, duke siguruar që zgjidhjet e propozuara të jenë të përshtatura me nevojat reale të tregut dhe komunitetit.

Hackathon “Korçë Innovate” është projekt i dizajnuar për të rritur kapacitetet lokale për inovacion, për të forcuar ekosistemin e sipërmarrjes dhe për të krijuar mundësi për implementim të projekteve pilot që mund të shtrihen në nivel qyteti dhe rajoni.

• Fondi limit i procedures është 750 000 (shtateqind e pesedhjete mije) lekë pa tvsh ose 900 000 (nëntëqind mije) lekë me TVSH.   

Tërheqja e dokumenteve të procedurës

• Dokumentet e procedurës mund të tërhiqen pranë:
  Drejtorisë së Prokurimeve, Bashkia Korçë.

Afati i fundit për dorëzimin e ofertave  

• Deri më datë: 11/03/2026, ora 12:00.
• Vendi i dorëzimit: Zyra e Protokoll-Arkivës, Bashkia Korçë.
• Ofertat e paraqitura pas këtij afati do të refuzohen.

Hapja e ofertave

• Do të bëhet nga Komisioni i Vlerësimit të Ofertave më datë:
  11/03/2026, ora 14:00.

Informacione të mëtejshme

• Për çdo informacion shtesë, operatorët mund të kontaktojnë në adresat zyrtare të Bashkisë Korçë ose të drejtohen pranë Drejtorisë së Prokurimeve.