Gjatë mbrëmjes së djeshme dhe gjatë ditës së sotme, territori i Bashkisë Korçë është përfshirë nga reshje bore. Punonjësit e NSHP-së kanë qenë në terren që prej mbrëmjes së djeshme dhe vijojnë punën edhe aktualisht për pastrimin e borës dhe normalizimin e situatës. Ndërhyrjet po kryhen në të gjitha akset kryesore dhe Njësitë Administrative, me qëllim garantimin e qarkullimit të sigurt për banorët. Falë angazhimit të strukturave përgjegjëse, situata paraqitet e qetë dhe e menaxhueshme, pa problematika të evidentuara deri në këto momente. Ju bëjmë thirrje banorëve të tregojnë kujdes gjatë lëvizjes, të respektojnë udhëzimet e autoriteteve dhe të bashkëpunojnë për të garantuar sigurinë e të gjithëve.
