Në kuadër të projektit Solid Waste Management Programme – DKTI, u zhvillua një takim me ekipin e konsulentëve të implementimit Dahlem Beratende Ingenieure GmbH / Enviroplan Consultants S.A, si dhe me përfaqësues të AKEM, për të diskutuar projektet e reja në fushën e menaxhimit të mbetjeve të ngurta në Bashkinë Korçë. Pas vënies prej disa vitesh në funksion të landfillit sanitar të Maliqit, duke e shndërruar Korçën në një qark pilot dhe referencë për praktikat e mira, projekti parashikon: Hartimin e projektit për mbylljen përfundimtare të fushës së vjetër të mbetjeve pranë qytetit të Korçës (rruga drejt Ravonikut); Hartimin e projektit për landfillin e inerteve (mbetje ndërtimi) për Bashkinë Korçë; Hartimin e projektit për një qendër ndarjeje të mbetjeve pranë landfillit të Maliqit; Studime për trajtimin e mbetjeve të gjelbra dhe mbetjeve të ngurta në territor. Bashkia Korçë vijon angazhimin për ndërtimin e një sistemi modern, të qëndrueshëm dhe miqësor me mjedisin për menaxhimin e mbetjeve, në shërbim të banorëve dhe të ardhmes së Korçës.
