Kryetari i Bashkisë Korçë priti vizitën e Ambasadores së Greqisë në Shqipëri, znj. Konstantina Kamitsi, dhe Konsullit të Përgjithshëm të Greqisë në Korçë, z. Asterios Bouzias.
Gjatë takimit biseduan mbi rëndësinë e forcimit të bashkëpunimit në fushat e artit, kulturës, turizmit dhe, veçanërisht, të edukimit, fusha që bashkojnë njerëzit dhe krijojnë ura miqësie mes dy shteteve. Në shenjë mirënjohjeje për bashkëpunimin e gjatë dhe kontributin e saj në forcimin e marrëdhënieve mes dy vendeve, kryetari i bashkisë i dorëzoi znj. Kamitsi një Certifikatë Mirënjohjeje.