PËR APLIKIME – PROGRAMI ” BANESA SOCIALE ME QIRA”
Bashkia Korçë në zbatim të ligjit Nr 22/2018 “Për Strehimin Social” i ndryshuar, VKM Nr.384 datë 12.06.2019 “Për përcaktimin e dokumentacionit që duhet të paraqesë familja për t’u strehuar sipas njërit prej programeve sociale të strehimit dhe të afateve e të proçedurave të miratimit nga organet e vetëqeverisjes vendore”, njofton të gjithë qytetarët e interesuar se nga fondi publik i banesave sociale, pronë e Bashkisë Korçë, janë në dispozicion të programit të banesave sociale me qira dy(2)apartamente të tipologjisë:
– Apartamenti nr.21, kati V, garsonierë, me sipërfaqe 37.1 m2 me Nr. pasurie 1/769+21, zk 8561, në adresën Rrg”Kenedi”, Blloku i Ri i Sportit, L.10, Korçë.
– Apartamenti nr.39, kati VIII, me ashensor, 1 dhomë + 1kuzhinë me sipërfaqe 66.3m2 me Nr.pasurie 1/769+1-39 zk 8561, në adresën Rrg”Kenedi”, Blloku i Ri i Sportit, L.10, Korçë.
Të interesuarit, individë/familje në plotësim të kushteve për strehim social, të paraqesin aplikimet në portalin unik qeveritar E-Albania, nëpërmjet shërbimit elektronik” Kërkesë për të përfituar nga programet e strehimit social”. Për më shumë informacion të paraqiten në Drejtorinë e Strehimit Social dhe Menaxhimit të Banesave Sociale pranë Bashkisë Korçë.
Bazuar në pikën 2 të nenit 14 të ligjit Nr.22/2018”Për Strehimin Social” i ndryshuar, individi ose përfaqësuesi/ja i/e familjes, që vetëdeklarohet me paaftësi apo pamundësi aksesi në rrjetin e komunikimeve elektronike, të drejtohet në sportelin me një ndalesë pranë Bashkisë Korçë, me qëllim asistimin në kryerjen e aplikimit në portalin E-Albania.
Afati i aplikimit për të përfituar nga programi i strehimit social “Banesa Sociale me Qira” është deri më datë 30.12.2025.
KRYETARI I BASHKISË
Sotiraq FILO