SHPALLJE PËR VEND TË LIRË PUNE NË INSPEKTORIATIN E MBROJTJES SË TERRITORIT
Niveli minimal i diplomës “Master Profesional”,
në fushën e fushën e drejtësisë, inxhinierisë së ndërtimit, arkitekturës, urbanistikës, konstruksionit, transportit, teknologjisë së materialeve, gjeologjisë, hidrogjeologjisë dhe mjedisit Kategoria e pagës IV.2
Në zbatim të ligjit 139/2015 “Për vetëqeverisjen vendore”, ligjit nr. 7961, datë 12.7.1995 “Kodi i Punës së Republikës së Shqipërisë”, i ndryshuar, ligjit nr. 44/2015 “Kodi i Procedurës Administrative i Republikës së Shqipërisë” i ndryshuar, në ligjin nr. 9780 datë 16.07.2007 “Për inspektimin dhe mbrojtjen e territorit nga ndërtimet e kundërligjshme”, në Vendimin e Këshillit të Bashkisë nr. 176 datë 26.12.2024 “Mbi miratimin e buxhetit vjetor të vitit 2025 dhe PBA 2025-2027 të Bashkisë Korçë”, në VKB nr. 173 datë 26.12.2024 “Për miratimin e nivelit të pagave të punonjësve e të personave të tjerë të zgjedhur ose të emëruar në institucionin e Bashkisë dhe Institucioneve të varësisë për vitin 2025”, në urdhërin e Kryetarit të Bashkisë nr. 15 datë 14.01.2025 “Për miratimin e strukturës të Bashkisë Korçë për vitin 2025” i ndryshuar si dhe vendimin nr. 2 datë 14.01.2025 “Për miratimin e strukturës analitike të Bashkisë Korçë për vitin 2025” i ndryshuarBashkia Korçë do të fillojë proçedurat për plotësimin e vendeve vakante në Inspektoriatin për Mbrojtjen e Territorit si më poshtë:
- 2 Inspektorë në Inspektoriatin e Mbrojtes së Territorit, Bashkia Korçë, Kategoria IV.2
Përshkrimi përgjithësues i punës për pozicionin si më sipër është:
- Kontrollin e territorit të Bashkisë Korçë për parandalimin e ndërtimeve të kundërligjshme;
- Kontrolle në ndërtime me leje ndërtimi dhe deklarata paraprake;
- Shqyrtimin e ankesave të popullit;
- Pergatitja e relacioneve dhe përllogaritja e vlerës së gjobës për ndërtimet e kryera jashtë projektit dhe shpenzimet e prishjeve;
- Zbatimi i vendimeve të prishjes në bashkëpunim me Policinë Bashkiake dhe atë të Rendit.
Kandidatët duhet të plotësojnë kërkesat e posaçme si vijon:
- Të jetë shtetas shqiptar;
- Të ketë zotësi të plotë për të vepruar;
- Të zotërojë gjuhën shqipe, të shkruar dhe të folur;
- Të jetë në kushte shëndetësore që e lejojnë të kryejë detyrën përkatëse;
- Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
- Ndaj tij të mos jetë marrë masa disiplinore e largimit nga puna;
- Duhet të ketë arsimin e lartë minimalisht master profesional në fushat e drejtësisë, inxhinierisë së ndërtimit, arkitekturës, urbanistikës, konstruksionit, transportit, teknologjisë së materialeve, gjeologjisë, hidrogjeologjisë dhe mjedisit.
DOKUMENTACIONI, MËNYRA DHE AFATI I DORËZIMIT
Kandidatët duhet të dorëzojnë dokumentat si më poshtë:
- Kërkesë me shkrim;
- Curriculum vitae;
- Certifikatë e përbërjes familjare;
- Fotokopje e kartës së identitetit;
- Diplomë të noterizuar;
- Listë e notave e noterizuar;
- Dëshmi kualifikimi (në qoftë se ka);
- Librezë pune ( në qoftë se ka punuar);
- Rekomandim nga punëdhënësi i mëparshëm;
- Dëshmi e gjendjes mjekësore;
- Dëshmi e gjendjes gjyqësore;
- Vërtetim gjykate dhe vërtetim prokurorie;
- Foto – 2 copë me përmasa 4 * 5.5cm;
- Foto – 1 copë e madhe me përmasa 9* 12 cm;
- Vetëdeklarim i gjëndjes gjyqësore.
Dokumentat duhet të dorëzohen me postë ose pranë Drejtorisë së Burimeve Njerëzore pranë Bashkisë Korçë brenda datës 10.09.2025.
REZULTATET PËR FAZËN E VERIFIKIMIT PARAPRAK TË DOKUMENTACIONIT
Në datën 12.09.2021 Drejtoria e Burimeve Njerëzore në Bashkinë e Korçës do të njoftojë individualisht kandidatët fitues që plotësojnë kushtet dhe kërkesat e posaçme.
NË MUNGESE DHE ME URDHËR KRYETARI I BASHKISË
ZV/KRYETARE Sotiraq Filo
Benila Themeli