“SHPALLJE PËR MARRJEN ME HUAPERDORJE TE MJETEVE TE TRANSPORIT NE FAVOR TE NJESIVE ADMINISTRATIVE VOSKOPOJË DHE DRENOVË”
Bashkia Korçë, në përputhje me vendimin e Këshillit Bashkiak nr.132 datë 26.09.2024 “Për marrjen në përdorim të mjeteve të transportit në pronësi të të tretëve”, njofton të gjithë të interesuarit se janë të hapura ofertat për mjete që do të merren në përdorim nga Bashkia Korçë.
Kërkohen 2 mjete të transportit rrugor për nevojat e veprimtarisë administrative të njësive administrative Voskopojë dhe Drenovë. Mjetet e propozuara duhet të jenë në gjendje të mirë teknike dhe funksionale, duke garantuar kështu një shërbim efikas dhe të besueshëm për të gjitha nevojat e administratës se njesive administrative.
Afati i dorëzimit të ofertave është 7 (shtatë) ditë nga data e shpalljes së kësaj njoftimi publik. Të gjithë ofertuesit janë të ftuar të paraqesin dokumentacionin e plotë dhe të rregullt të mjeteve sipas legjislacionit rrugor në fuqi. Ky dokumentacion duhet të përfshijë të gjitha informacionet e nevojshme, si dhe foto të qarta dhe të detajuara të mjeteve që ofrohen.
Kriteret për Subjektet Ofertuese :
Subjektet/personat fizikë ofertues duhet të dorëzojnë dokumentacionin e mëposhtëm:
– Fotokopje të kartës së identitetit dhe/ose fotokopje të çertifikatës së regjistrimit si subjekt (Nipt-i);
– Të paraqesin dokumentacionin e plote te mjetit:
1. Lejë qarkullimi dhe/ose certifikatë pronësie për mjetet e ofruara.
2. Certifikatë e kontrollit teknik të vlefshëm.
3. Policë sigurimi
4. Foto te mjeteve
Mirembajtja e mjeteve është në ngarkim të huadhenesve, dhe është e rëndësishme që çdo mjet të jetë në përputhje me standardet e sigurisë dhe cilësisë. Kontratat e huapërdorjes do të kenë një afat prej 1 (një) viti, me të drejtë rinovimi, në mënyrë që të sigurohet një vazhdimësi në shërbim dhe mbështetje për njësitë administrative.
Të gjithë ata që janë të interesuar për të paraqitur ofertat e tyre, janë të lutur të respektojnë afatet e përcaktuara dhe të sigurojnë që dokumentacioni të jetë i plotë dhe në përputhje me kërkesat e ligjit.
Të interesuarit duhet të dorëzojnë dokumentacionin e kërkuar pranë zyrave të Bashkisë Korçë. Për çdo informacion të mëtejshëm, mund të kontaktoni në numrin e telefonit [+35582243353]; në adresën e postës elektronike: info@bashkiakorce.gov.al ose të vizitoni faqen zyrtare të Bashkisë Korçë.
Kjo shpallje do të afishohet në stendën e Bashkisë Korçë dhe do të publikohet në faqen zyrtare të internetit të Bashkisë Korçë.
U shpall sot në Stendat e Bashkisë Korçë dt. ____/____/ 2025.
Sektori i Mardhënieve me Publikun ____________________
Konceptoi: Endri Dede
Miratoi: Anxhela Qeramixhi (Dishnica)
K R Y E T A R I
Sotiraq Filo