PËR ZHVILLIMIN E KONKURSIT NËPËRMJET TË CILIT DO TË KRYHET PËRZGJEDHJA E SUBJEKTIT QË DO TË KRYEJË SHËRBIMIN E TRANSPORTIT QYTETËS (URBAN) ME SUBVENCION.
Bazuar në nenin 23 pika 6 dhe 54 gërma k të ligjit nr.139/2015 “Për vetëqeverisjen vendore“i ndryshuar, në nenin 14 të ligjit Nr. 8308 datë 18.03.1998 “Për transportet rrugore” të ndryshuar, VKM Nr. 325 dt 19.03.2008 “Për miratimin e rregullave për pranimin në veprimtarinë e operatorit të transportit rrugor të mallrave dhe të udhëtarëve si dhe për njohjen e dokumantave zyrtarë të caktuara për këta operatorë” i ndryshuar, Udhëzimi Nr. 5627 datë 18.11.2016 të Ministrit të Transportit dhe Infrastrukturës “Për përcaktimin e kritereve, rregullave dhe dokumentacionit për lëshimin e liçencave dhe çertifikatave për ushtrimin e veprimtarisë në transportin rrugor“ të ndryshuar, VKB 148 dt. 19.06.2023 “”Për zgjidhjen e kontratës së shërbmit”, VKB Nr. 11 dt. 30.01.2025 “Mbi përcaktimin e kritereve për përzgjedhjen nëpërmjet konkurrimit të subjektit që do të kryeje transportin qytetës (urban), me subvencion”, VKB Nr. 10 dt 30.01.2025 “Për miratimin e tarifës së biletës të transportit Urban në Bashkinë Korçë”, VKB Nr. 9 dt. 30.01.2025 “Për miratimin e linjave të transportit urban në Bashkinë Korçë”dhe VKB Për miratimin e buxhetit vjetor 2025 dhe PBA 2025-2027 të Bashkisë Korçë”.
Subjektet që do të marin pjesë në konkurs duhet të plotësojnë kriteret dhe të paraqesin në Zyrën e Protokoll Arkivës, në Bashkinë Korçë dokumentacionin e për përmbushjen e kritereve
- KRITERET E NEVOJSHME MBI BAZËN E TË CILAVE DO TË KRYHET PËRZGJEDHJA E SHOQËRISË QË DO TË KRYEJË SHËRBIMIN E TRANSPORTIT QYTETËS TË JENË SI MË POSHTË :
Kriteret ligjore:
- reputacioni i mirë;
Për plotësimin e këtij kriteri subjektet duhet të dorëzojnë dokumenta si më poshtë:
- Ekstraktin e regjistrit tregtar për të dhënat e subjektit nga Q.K.R.
- Dëshmi penaliteti për personin ose personat që menaxhojnë efektivisht aktivitetin.
- Vërtetim nga gjykata dhe prokuroria për personin ose personat që menaxhojnë efektivisht aktivitetin, subjekti nuk ka proçes gjyqësor lidhur me aktivitetin;
- Vërtetim nga Drejtoria e Tatimeve që ka shlyer të gjitha detyrimet tatimore.
- qëndrueshmërinë e duhur financiare;
- Për plotësimin e këtij kriteri si dokument provues subjektet duhet të dorëzojnë një vërtetim që mund të jetë një garanci bankare ose një siguracion në masën e caktuar. Vlerësimi i gjëndjes financiare duhet të jetë i barabartë ose që kapërcen shumën e përgjithshme të: 140 000 lekë për mjetin e parë dhe 70 000 lekë për çdo mjet shtesë, kur kryen transport të mallrave dhe të udhëtarëve brenda vendit.
- kompetencën profesionale;
- Si dokument provues duhet të paraqesin çertifikatën për zotërimin e kompetencës profesionale në transportin e udhëtarëve për drejtuesin e veprimtarisë. (ÇKP)
- një vendosjeje efektive dhe të qëndrueshme në Shqipëri.
- Dokumenti provues për këtë kriter është Ekstrakti Historik e Rregjistrit Tregëtar
- Kriteret e përmendura në pikën 1 të këtij vendimi janë kritere skualifikuese.
3. PËRVEÇ KRITEREVE TË SIPËRPËRMENDUAR SUBJEKTET PJESËMARËSE NË KONKURS TË PËRMBUSHIN EDHE KRITERE E MËPOSHTËME:
- Mjetet e Transportit Qytetas me kushte komoditeti, viti i prodhimit të tyre të jetë prej vitit 2000 dhe në vazhdim, nga aplikimi për çertifikim dhe duhet ti përshtatet parametrave dhe përcaktimeve të çdo linjë. Përjashtim nga ky rregull bën vetëm mjeti rezerve.
- Transporti qytetës mund të bëhet vetëm me mjete të destinuara për transport udhëtarësh, me numër vendesh ulur dhe në këmbë të përshtatshme për transport qytetës.
- 100 % e flotёs sё mjeteve të Transportit Qytetas do të jenë të pajisura me kondicionim të ajrit, si më poshtë:
- Për ngrohje brenda mjetit në temperaturë 22 gradë celsius;
- Për ftohje brenda mjetit në temperaturë 15 gradë celsius;
- Flota e mjeteve tё Transportit Qytetas të jetё e pajisur me sistemet e mbrojtjes nga zjarri, me kutinë e ndihmës së shpejtë, me dritare emergjence funksionale. Pozicioni dhe mënyra e përdorimit të tyre u bëhet e njohur udhëtarëve, nëpërmjet mbishkrimeve mbi to.
- Dyert e shërbimit të jenë me hapje të komanduar nga shoferi në mënyrë automatike.
- Në mjetet me dy dyer duhet të jenë të shënuara mbishkrimet e orientimit “Hyrje” dhe “Dalje”. Në rastet kur mjetet kanë tre dyer, mbishkrimi “Hyrje” do të jetë në derën e parë, ndërsa mbishkrimi “Dalje” do të jetë në dy dyert e tjera.
- Estetika e brendshme (lidhur me vendet e pasagjerëve, dritaret, dyshemetë e mjeteve etj.) që konsiston në drejtim të një paraqitjeje dhe mirëmbajtjeje sa më të pranueshme e cila respekton në këtë mënyrë kërkesat e komunitetit për një shërbim të një cilësie të lartë, do të jetë e detyrueshme për të gjitha mjetet.
- Dritaret duhet të jenë funksionale dhe të mos zihen nga reklama pa miratimin me shkrim të Bashkisë Korçë
- Ngjyra e mjeteve në të gjitha linjat duhet të jetë uniforme.
- Mjetet të jenë të pajisura me pajisje të veçanta për invalidët, përveç rasteve kur infrastruktura rrugore nuk lejon përdorimin e mjeteve të këtyre standardeve, sipas përcaktimeve specifike të çdo linje.
- Mjetet e Transportit Qytetas janë të pajisur me emrin e linjës, numrin, dokumentacionin e nevojshëm në mjet dhe shenjat e tjera të identifikimit sipas akteve të nxjerra nga organet e Bashkisë.
- Personeli i mjeteve të Transportit Qytetas është i pajisur me uniformën, elementët e identifikimit përkatëse etj.
- Subjekti duhet të lejojë Bashkinë Korçë që në çdo mjet të instalojë sistemin e njohjes së vendodhjes së mjetit (GPS) që do të mundësojë përcaktimin elektronik të: Numrit të mjteve në shërbim; Shpejtësinë e lëvizjes; Vendodhjen; Km e përshkruara.
- Në momentin e finalizimit të akteve ligjore dhe nënligjore për sistemin e biletës elektronike, operatori duhet të pajisë Mjetet e Transportit Qytetas me sisteme që mundësojnë përdorimin e biletës elektonike sipas përcaktimeve në akteve ligjore të nxjerra nga organet e Bashkisë dhe kontratave të veçanta për keto sisteme të lidhura midis Bashkisë dhe operatorëve të transportit qytetës për këto sisteme.
- Mjetet e Transportit Qytetas tё janё të pastëra (si nga jashtë dhe nga brenda) dhe tё kenë informacionet e nevojshme për publikun (sipas përcaktimeve në rregulloren tip të udhëtimit)
- Subjekte pjesëmarrëse në konkurim duhet të kenë një numër të punësuarish prej të paktën 16 punonjës, nga të cilër 8 të jenë shoferë dhe 8 fatorino.
- Subjekte pjesëmarrëse në konkurim duhet të kenë në pronësi dhe/ose përdorim një sipërfaqe për parkimin e automjeteve prej 500 m2
- KRITERET QË DO TË VLERËSOHEN ME PIKË JANË SI MË POSHTË:
A.Viti i prodhimit të automjetit. Në konkurim do të pranohen vetëm subjektet të cilat kanë në pronësi dhe /ose përdorim automjete të prodhuara gjatë ose pas vitit 2000.
Me vit prodhimi 2000 – 2005 = 15 pikë.
Me vit prodhimi 2006 – 2010 = 20 pikë.
Me vit prodhimi 2011 e në vazhdim = 25 pikë
Për mjete me kilometrazh 0 = 50 pikë
Për mjete/ autobusë elektrikë = 100 pikë
B. Numri i autobusëve që do të përdoren në linjë.
Numri minimal i autobusëve që duhet të ketë një subjekt për të qënë pjesëmarës në konkursin për transportin qytetës të jetë 4 nga të cilat një mjet është rezervë.
Për mjetet rezervë sistemi i pikëzimit është si më poshtë:
Me vit prodhimi 2000 – 2005 = 15 pikë.
Me vit prodhimi 2006 – 2010 = 20 pikë.
Me vit prodhimi 2011 e në vazhdim = 25 pikë
Për mjete me kilometrazh 0 = 50 pikë
Për mjete/ autobusë elektrikë = 100 pikë
C. Numri i viteve që subjekti ka ushtruar veprimtarinë në transportin e udhëtarëve me autobusë.
Subjekti përfiton 2 pikë për çdo vit gjatë të cilit ka ushtruar këtë aktivitet.
D. NUMRI I TË PUNËSUARVE
Subjektet pjesëmarrëse në konkurim të kenë një numër të punësuarish prej të paktën 16 punonjës, nga të cilët 8 të jenë shoferë dhe 8 fatorino. Për çdo të punësuar shtesë subjekteve pjesëmarëse në konkurs t’i jepen 30 pikë.
(Për plotësimin e këtij kriteri subjekti duhet të paraqesë lispagesat e sigurimeve shoqërore dhe shëndetësore ).
5. Transporti qytetës do te ofrohet në 3 linja me itinerare, stacione dhe frekuencë si më poshtë:
LINJA 1 BANKË .Nisja në lindje të rrethrotullimit të varrezave publike.Kryqezimi Kristaq Sotiri –Asim Vokshi;,Kryqezimi Sotir Polena – Asim Vokshi; Birra Korca, Spitali, ,Stacion në Bulevardin Fan Noli në krah të bustit “Naum Veqilarxhi”, Përballë Poliklinikes; Pazari, BKT, Lëndina e Lotëve, ,Universiteti, Parku (Këndi i Lojrave),Sigurimet Shoqerore, Lagjia 18 tek ( UKKO), Stacion në Unazë Përballë DPM, përballë kryqëzimit të Rrugës “Pano Xhamballo” me Unazën, Nënstacioni elektrik, Stacioni tek Terminali, Tek City Centre, Pazari, Poliklinika, Posta 1, Shkolla Demokracia (Rruga Partizani).
Orari 06:00 – 18:00 për 1 prill deri 30 shtator (me nje mjet) dhe 06:00-17:00 për muajt 1 tetor – 31 Mars (me nje mjet).
Frekuenca: Cdo 35 min nga ora 06:00 -14:00.
LINJA 2 UNAZË. Nisja në lindje të rrethrotullimit të Varrezave Publike. Kryqëzimi Kristaq Sotiri – Asim Vokshi, Kryqezimi “Sotir Polena” – “Asim Vokshi”.Birra Korca, Spitali, në krah të bustit “Naum Veqilarxhi”, përballë Poliklinikes, Pazari, Tek City Centre, përballë Terminalit, Nënstacioni Elektrik, Kryqëzimit të Rrugës “Pano Xhamballo”, Shkolla e Maltës, Parku (këndi i Lojrave), Sigurimet Shoqerore, Lagjia 18 tek UKKO, Stacion në Unazë përballë DPM , stacioni tek Rruga “Niko Kovaci”, Lëndina e Lotëve, Stacioni në Bulevardin “Gjergj Kastrioti”, Pazari, Poliklinika, Posta 1, Shkolla “Demokracia” (Rruga Partizani).
Orari 06:00 – 18:00 për 1 prill deri 30 shtator (me nje mjet) dhe 06:00-17:00 për muajt 1 tetor – 31 Mars (me një mjet)
Frekuenca: Çdo 35 min nga ora 06:00 -14:00.
Linja 1 “Bankë” dhe Linja 2 “Unazë” pas orës 14:00 do të funksionojnë me një mjet, me frekuencë çdo 45 minuta.
LINJA 3 MEDRESE- SMT. Nisja shkolla Demokracia,Tek ish Formula 1, Medrese, Dyqanet e Gurta, Pazari, City Centre, përballë Terminalit, Fabrika Tona CO, Stacioni SMT, Stacion tek ish Frigoriferi, Stacion “Terminal i Autobusave” , stacion City Centre, Pazari, përballë Dyqaneve të Gurta, përballë Medresës, pranë kryqezimit me Rrugën “10 Korriku”.
Orari 06:45 – 15:00 Nga dita Hëna në të Diele gjatë gjithë vitit.
Frekuenca. cdo 35 min (me nje mjet).
- Çmimi i biletës do të jetë 40 lekë, përcaktuar me vendim të Këshillit Bashkiak nr. 10 dt 30.01.2025 “Për miratimin e tarifës së biletës të transportit urban në Bashkinë Korçë”.
- DOKUMENTACIONI QË DUHET TË PARAQESIN KONKURENTËT
- Kërkesën e subjektit
- Formulari i vetëdeklarimit (për drejtuesin / drejtuesit e veprimtarisë).
- Vërtetim nga Gjykata (për drejtuesin / drejtuesit e veprimtarisë).
- Vërtetim nga Prokuroria (për drejtuesin / drejtuesit e veprimtarisë).
- Dëshmi penaliteti (për drejtuesin / drejtuesit e veprimtarisë) dhe shoqërinë.
- Dokumentacionin e kredibilitetit bankar.
- Çertifikatën e kompetencës profesionale në transportin rrugor për administratorin ose drejtuesin teknik.
- Çertifikata e regjistrimit për çdo mjet nga Q.K.B.
- Ekstrakti i regjistrit tregëtar për të dhënat e subjektit nga Q.K.B.
- Leja e qarkullimit (për çdo autobus).
- Çertifikata e kontrollit teknik (për çdo autobus).
- Akt-vlerësimi në plotësimin e kushteve të komoditetit në transportin e udhëtarëve (për çdo autobus).
- Kontrata për sigurimin e automjetit (për çdo autobus).
- Kontrata për sigurimin e pasagjerëve (për çdo autobus).
- Leja e drejtimit kategoria D (për çdo drejtues).
- Çertifikata e Aftësimit Profesional (për çdo drejtues).
- Kontrata e punësimit (në rast se drejtuesi i mjetit nuk është pronar i tij).
- Vërtetim nga Drejtoria Rajonale e Tatimeve dhe Drejtoria e të Ardhurave, Bashkia Korçë mbi kryerjen e pagesës të taksave vendore.
- Fotografi te çdo mjeti ku të dallohet qartësisht edhe targa.
- Vërtetim nga sigurimet shoqërore për numrin e të punësurve (Listpagesat për sigurimet shoqërore dhe shëndetësore).
- Çertifikatë pronësie dhe ose kontratë qiraje me afat jo më pak se afati i kontratës së shërbimit urban, për disponimin e një sipërfaqeje prej 500 m2.
- Sipas kritereve të përcaktuara të kryet përzgjedhja e subjektit të transportit, nëpërmjet konkursit të hapur.
- Bashkia Korçë do të subvencionojë subjektin fitues sipas parashikimeve në buxhetin vjetor të Bashkisë. Subvencionimi të përdoret për udhëtimin falas në shërbimin e transportit urban për pensionistët. Subjekti i shpallur fitues do të nëshkruajë me Bashkinë Korçë kontratën me afat 3 vjeçar.
- Njoftimi i datës së konkurrimit, kritereve dhe i dokumentave që duhet të paraqesin konkurrentet do të kryhet nëpërmjet publikimit në stendën e lajmërimeve të Bashkisë Korçë dhe faqen zyrtare të saj .
- Dokumentacioni që do depozitohet nga subjektet, duhet të jetë origjinal ose i njëhsuar me origjinalin dhe do të depozitohen në Zyrën e Arkivës në Bashkinë Korçë nga data e publikimit të njoftimit dhe jo më vonë se 15 ditë.
- Data e zhvillimit të konkurrsit, shqyrtimi i dokumentacionit dhe shpallja e rezultatit do të jetë 15-ditë pas datës të publikimit të këtij njoftimi.
Konceptoi: I. Melonashi
Miratoi: A. Qeramixhi (Dishnica)
KRYETARI
Sotiraq Filo
NË MUNGESË DHE ME URDHËR
ZV/KRYETARE
BESA SPAHO
Albanian
English