Njoftim

Për përzgjedhjen e operatorit/operatorëve në linjat rrethqytetëse

të transportit të udhëtarëve të Bashkisë Korçë

Bazuar në ligjin nr. 8308, datë 18.03.1998, “Për transportet rrugore”, i ndryshuar, neni 15, neni 19; udhëzimin nr. 5627, datë 18.11.2016, e Ministrit të Transportit dhe Infrastrukturës, “Për përcaktimin e kritereve, rregullave dhe dokumentacionit për lëshimin e liçencave dhe çertifikatave për ushtrimin e veprimtarisë në transportin rrugor të udhëtarëve brenda vendit”, të ndryshuar, neni 11; urdhërin e Kryetarit të Bashkisë Korçë nr. 197, datë 25.02.2025, “Për përzgjedhjen e subjektit/subjekteve që do të liçencohen në linjat e rregullta rrethqytetëse të transportit rrugor të udhëtarëve të Bashkisë Korçë”:

Bashkia Korçë njofton zhvillimin e konkursit për përzgjedhjen e operatorit/operatorëve në linjat rrethqytetëse të transportit të udhëtarëve si më poshtë:

NR. LINJA NR. I MJETEVE

1. Kuç i Zi – Korçë – Kuç i Zi (me kalim nga Dishnica) Minimalisht 1 (një) autobus i tipit urban me masë maksimale me ngarkesë të plotë mbi 17 ton.

2. Dardhë – Korçë – Dardhë 1 (një) automjet me (8+1) ose me shumë vende.

3. Lekas – Korçë – Lekas 1 (një) automjet me (8+1) ose me shumë vende.

4. Marjan – Korçë – Marjan 1 (një) automjet me (8+1) ose me shumë vende.

5. Shtyllë – Vithkuq – Shtyllë 1 (një) automjet me (8+1) ose me shumë vende.

6. Lavdar – Korçë – Lavdar 1 (një) automjet me (8+1) ose me shumë vende.

Subjekti fizik ose juridik duhet të disponojë automjete të përshtatshme për kryerjen e transportit të udhëtarëve dhe duhet të dorëzojë pranë Bashkisë Korçë dokumentacionin për pjesëmarrjen në konkurs në përputhje me kërkesat e udhëzimit nr. 5627, datë 18.11.2016, të ndryshuar, si më poshtë:

1. Kërkesa.

2. Formulari i vetëdeklarimit.

3. Vërtetim nga Gjykata (për drejtuesin / drejtuesit e veprimtarisë).

4. Vërtetim nga Prokuroria (për drejtuesin / drejtuesit e veprimtarisë).

5. Vërtetim i gjendjes gjyqësore (dëshmi penaliteti për drejtuesin / drejtuesit e veprimtarisë).

6. Dokumentacioni i kredibilitetit bankar.

7. Çertifikata e kompetencës profesionale në transportin rrugor (në rast se subjekti disponon më shumë së një mjet).

8. Çertifikata e regjistrimit dhe ekstrakti i regjistrit tregëtar për të dhënat e subjektit nga Q.K.B.

9. Leja e qarkullimit.

10. Çertifikata e kontrollit teknik.

11. Akt-vlerësimi në plotësimin e kushteve të komoditetit në transportin e udhëtarëve.

12. Çertifikata e kalibrimit të tahografit.

13. Kontrata për sigurimin e automjetit.

14. Kontrata për sigurimin e pasagjerëve.

15. Leja e drejtimit.

16. Çertifikata e Aftësimit Profesional.

17. Kontrata e punësimit (në rast se drejtuesi i mjetit nuk është pronar i tij).

18. Kontrata me agjensinë për transport udhëtarësh brenda vendit.

19. Vërtetime nga Drejtoria e Taksave dhe Tarifave Vendore të Bashkisë Korçë dhe administrata tatimore, mbi kryerjen e pagesës të taksave e tarifave vendore si dhe detyrimeve tatimore (për subjektet që kanë ushtruar aktivitet në periudhën e mëparshme).

Dokumentacioni dorëzohet në origjinal ose fotokopje e noterizuar.

Dokumentacioni të dorëzohet pranë Bashkisë Korçë, deri në datën 18.03.2025.

Kriteret bazë për klasifikimin e subjekteve, në rast se ka më shumë se një aplikant për linjën përkatëse, do të jenë sipas vendimit të Këshillit të Bashkisë Korçë nr. 111, datë 11.10.2018. Klasifikimi bazohet në :

1. Vitin e prodhimit të automjetit.

2. Numrin e viteve që subjekti mund të ketë ushtruar veprimtarinë në transportin e udhëtarëve me autobusë.

Për informacion më të detajuar subjektet e interesuara mund të drejtohen pranë Bashkisë Korçë.