Gjatë gjithë mbrëmjes së djeshme dhe sot gjatë orëve të para të mëngjesit të gjitha strukturat e Emergjencave Civile, borëpastrueset dhe fadromat kanë punuar në terren, për kriposjen dhe pastrimin e të gjitha rrugëve në Njësitë Administrative. Aktualisht po vijon puna dhe të gjitha strukturat janë në gatishmëri të plotë, ndërkohë që nuk paraqitet asnjë problematikë. Bashkia Korçë ju bënë thirrje të gjithë banorëve të tregojnë kujdes dhe të evitojnë lëvizjet e panevojshme derisa situata të normalizohet.
