Situata e krijuar nga reshjet e borës në të gjithë Bashkinë Korçë është në monitorim të vazhdueshëm. Në qytet nuk paraqitet asnjë problematikë, ndërkohë që punonjësit dhe borëpastrueset vijojnë të jenë në terren për kriposjen e rrugëve ku ka prani të akullit. Bashkia Korçë ju bën thirrje të gjithë qytetarëve të evitojnë lëvizjet e panevojshme deri në normalizim të situatës dhe drejtuesve të mjeteve të pajisen me zinxhirë e goma dimërore.
