Njoftim

PËR ZHVILLIMIN E KONKURSIT NËPËRMJET TË CILIT DO TË KRYHET PËRZGJEDHJA E SUBJEKTIT QË DO TË KRYEJË SHËRBIMIN E TRANSPORTIT QYTETËS (URBAN) ME SUBVENCION.

Bazuar në nenin 23 pika 6 dhe 54 gërma k të ligjit nr.139/2015 “Për vetëqeverisjen  vendore“ i ndryshuar, në nenin 14 të ligjit Nr. 8308 datë 18.03.1998 “Për transportet rrugore” të  ndryshuar, VKM Nr. 325 dt 19.03.2008 “Për miratimin e rregullave për pranimin në veprimtarinë e operatorit të transportit rrugor të mallrave dhe të udhëtarëve si dhe për njohjen e dokumantave zyrtarë të caktuara për këta operatorë” i ndryshuar, Udhëzimi  Nr. 5627 datë 18.11.2016 të Ministrit të Transportit dhe Infrastrukturës “Për përcaktimin e kritereve, rregullave dhe dokumentacionit për lëshimin e liçencave dhe çertifikatave për ushtrimin e veprimtarisë në transportin rrugor “ të ndryshuar, VKB Nr. 149 dt. 21.10.2024 “Mbi përcaktimin e kritereve për përzgjedhjen nëpërmjet konkurrimit të subjektit që do të kryeje transportin qytetës (urban), me subvencion” dhe VKB Për miratimin e buxhetit vjetor 2024 dhe PBA 2024-2026 të Bashkisë Korçë” , Bashkia Korçë ka filluar proçedurën e konkursit për përzgjedhjen e subjektit që do të kryejë me subvencionim shërbimin e transportit qytetës në të katër linjat e Bashkisë Korçë.

Subjektet që do të marin pjesë në konkurs duhet të plotësojnë kriteret dhe të paraqesin pranë Drejtorisë të Përgjithshme Juridike dhe Menaxhimit të Burimeve Njerëzore, në Bashkinë Korçë dokumentacionin e mëposhtëm:

KRITERET MBI BAZËN E TË CILAVE DO TË KRYHET PËRZGJEDHJA E SHOQËRISË QË DO TË KRYEJË SHËRBIMIN E TRANSPORTIT QYTETËS  JANË SI MË POSHTË:

• Për mjetet e Transportit Qytetas me kushte komoditeti, viti i prodhimit të tyre të jetë prej vitit 2000 dhe në vazhdim, nga aplikimi për çertifikim dhe duhet ti përshtatet parametrave dhe përcaktimeve të çdo linje. Përjashtim nga ky rregull bën vetëm mjeti rezervë.
• Transporti  qytetës  mund  të  bëhet  vetëm  me  mjete  të  destinuara  për  transport udhëtarësh;
• 100 % e flotёs sё mjeteve Transportit Qytetas do të jenë të pajisura me kondicionim të ajrit, si më poshtë:
  • Për ngrohje brenda mjetit në temperaturë  22 gradë celsius;
  • Për ftohje brenda mjetit në temperaturë mbi 22 gradë celsius;
  • Ndërmjet temperaturave 15 dhe 22 gradë celsius, përdoret ventilimi i ajrit

• Dyshemeja, tavani dhe paretet anësore të flotёs sё mjeteve tё jenё të veshura, në gjendje të mirë për të siguruar hermeticitetin e nevojshëm nga faktorët e jashtëm dhe për të garantuar siguri në udhëtim.

• Flota e mjeteve tё Transportit Qytetas të jetё e pajisur me sistemet e mbrojtjes nga zjarri, me kutinë e ndihmës së shpejtë, me dritare emergjence funksionale. Pozicioni dhe mënyra e përdorimit të tyre u bëhet e njohur udhëtarëve, nëpërmjet mbishkrimeve mbi to.

• Dyert e shërbimit të jenë me hapje të komanduar nga shoferi në mënyrë automatike.

• Autobuzat duhet të jenë të përshtatshëm me rampa për hipjen dhe zbritjen e invalidëve, të moshuarve dhe për gra shtatzëna.

• Në mjetet me dy dyer duhet të jenë të shënuara mbishkrimet e orientimit “Hyrje” dhe “Dalje”. Në rastet kur mjetet kanë tre dyer, mbishkrimi “Hyrje” do të jetë në derën e parë, ndërsa mbishkrimi “Dalje” do të jetë në dy dyert e tjera.

• Estetika e brendshme (lidhur me vendet e pasagjerëve, dritaret, dyshemetë e mjeteve etj.), që konsiston në drejtim të një paraqitjeje dhe mirëmbajtjeje sa më të pranueshme e cila respekton në këtë mënyrë kërkesat e komunitetit për një shërbim të një cilësie të lartë, do të jetë e detyrueshme për të gjitha mjetet.

• Dritaret duhet të jenë funksionale dhe të mos zihen nga reklama pa miratimin me shkrim të Bashkisë Korçë.

• Ngjyra e mjeteve në të gjitha linjat duhet të jetë uniforme.

• Mjetet të jenë të pajisura me pajisje të veçanta për invalidët, përveç rasteve kur infrastruktura rrugore nuk  lejon  përdorimin  e  mjeteve  të  këtyre  standardeve,  sipas përcaktimeve specifike të çdo linje.

• Mjetet e Transportit Qytetas janë të pajisur me emrin e linjës, numrin, dokumentacionin e nevojshëm në mjet dhe shenjat e tjera të identifikimit sipas akteve të nxjerra nga organet e Bashkisë.

• Personeli i mjeteve të Transportit Qytetas është i pajisur me uniformën, elementët e identifikimit përkatëse etj.

• Subjekti fitues duhet të lejojë Bashkinë Korçë që në çdo mjet të instalojë sistemin e njohjes së vendodhjes së mjetit  (GPS)  që  do  të  mundësojë  përcaktimin  elektronik  të:  Numrit  të  mjeteve  në shërbim; Shpejtësinë e lëvizjes; Vendodhjen; Km e përshkruara.

• Në momentin e finalizimit të akteve ligjore dhe nënligjore për sistemin e biletës elektronike,  operatori  duhet  të  pajisë  Mjetet  e  Transportit  Qytetas  me  sisteme  që mundësojnë përdorimin e biletës elektonike sipas përcaktimeve në akteve ligjore të nxjerra nga organet e Bashkisë dhe kontratave të veçanta për keto sisteme të lidhura midis Bashkisë dhe operatorëve të transportit qytetës për këto sisteme.

• Mjetet e Transportit Qytetas tё janё të pastëra (si nga jashtë dhe nga brenda) dhe tё kenë informacionet e nevojshme për publikun (sipas përcaktimeve në rregulloren tip të udhëtimit)

• Subjekte pjesëmarrëse në konkurim duhet të kenë një numër të punësuarish prej të paktën 22 punonjës, nga të cilër 11 të jenë shoferë dhe 11 fatorino.

• Subjekte pjesëmarrëse në konkurim duhet të kenë në pronësi dhe/ose përdorim një sipërfaqe për parkimin e automjeteve prej të paktën 800 m2

1. Kriteret e përmendura në pikën 1 të këtij vendimi janë kritere skualifikuese.  Mosplotësimi i tyre passjell skualifikim e subjektve pjesëmarëse në konkurs.

• Kriteret që do të vlerësohen me pikë janë si më poshtë:

A.Viti i prodhimit të automjetit. Në konkurim do të pranohen vetëm subjektet të cilat kanë në pronësi dhe /ose përdorim automjete të prodhuara gjatë ose pas vitit 2000.

Me vit prodhimi 2000 – 2005 = 15 pikë.

Me vit prodhimi 2006 – 2010 = 20 pikë.

Me vit prodhimi 2011 e në vazhdim = 25 pikë.

B. Numri i autobusëve që do të përdoren në linjë.

Numri minimal i autobusëve që duhet të ketë një subjekt për të qënë pjesëmarës në konkursin për  transportin qytetës të jetë 8 nga të cilat një mjet është rezervë. Për çdo autobus shtesë subjekteve pjesëmarëse në konkurs t’i jepen 30 pikë.

C. Numri i viteve që subjekti ka ushtruar veprimtarinë në transportin e udhëtarëve me autobusë.

 Subjekti përfiton 10 pikë për çdo vit gjatë të cilit ka ushtruar këtë aktivitet.

D. Numri i të punësuarve

Subjektet pjesëmarrëse në konkurim të kenë një numër të punësuarish prej të paktën 22 punonjës, nga të cilër 11 të jenë shoferë dhe 11 fatorino. Për çdo të punësuar shtesë subjekteve pjesëmarëse në konkurs t’i jepen 30 pikë. (Për plotësimin e këtij kriteri subjekti duhet të paraqesë lispagesat e sigurimeve shoqërore dhe shëndetësore).

DOKUMENTACIONI QË DUHET TË PARAQESIN KONKURENTËT:

• Kërkesën e subjektit
• Formulari i vetëdeklarimit (për drejtuesin / drejtuesit e veprimtarisë).
• Vërtetim nga Gjykata (për drejtuesin / drejtuesit e veprimtarisë).
• Vërtetim nga Prokuroria (për drejtuesin / drejtuesit e veprimtarisë).
• Dëshmi penaliteti (për drejtuesin / drejtuesit e veprimtarisë) dhe shoqërinë.
• Dokumentacionin e kredibilitetit bankar.
• Çertifikatën e kompetencës profesionale në transportin rrugor.
• Çertifikata e regjistrimit për çdo mjet nga Q.K.B.
• Ekstrakti i regjistrit tregëtar për të dhënat e subjektit  nga Q.K.B.
• Leja e qarkullimit (për çdo autobus).
• Çertifikata e kontrollit teknik (për çdo autobus).
• Akt-vlerësimi në plotësimin e kushteve të komoditetit në transportin e udhëtarëve (për çdo autobus).
• Kontrata për sigurimin e automjetit (për çdo autobus).
• Kontrata për sigurimin e pasagjerëve (për çdo autobus).
• Leja e drejtimit kategoria D (për çdo drejtues).
• Çertifikata e Aftësimit Profesional (për çdo drejtues).
• Kontrata e punësimit (në rast se drejtuesi i mjetit nuk është pronar i tij).
• Vërtetim nga Drejtoria Rajonale e Tatimeve dhe Drejtoria e të Ardhurave, Bashkia Korçë mbi kryerjen e pagesës të taksave vendore.
• Fotografi te çdo mjeti ku të dallohet qartësisht edhe targa
• Vërtetim nga sigurimet shoqërore për numrin e të punësurve (Listpagesat per sigurimet shoqërore dhe shëndetësore).
• Çertifikatë pronësie dhe ose kontratë qiraje me afat jo më pak se afati i kontratës së shërbimit urban, për disponimin e një sipërfaqeje prej 800 m2.

• Njoftimi i datës se konkurrimit, kritereve dhe i dokumentave që duhet të paraqesin konkurrentet të kryhet nëpërmjet publikimit në stendën e lajmërimeve të Bashkisë  Korçë dhe faqen zyrtare të saj .

• Dokumentacioni duhet të jetë origjinal ose i njëhsuar me origjinalin dhe do  të depozitohen në Zyrën e Arkivës në Bashkinë Korçë  nga data e publikimit të njoftimit.

• Data e zhvillimit të  konkurrsit, shqyrtimi i dokumentacionit dhe shpallja e rezultatit të jetë 15-ditë pas datës të  publikimit të njoftimit.

KRYETARI I BASHKISË

Sotiraq Filo