Bashkia Korçë është përzgjedhur si një nga bashkitë pilot për zbatimin e politikës kombëtare të energjisë. Gjatë nje konsultimi publik organizuar nga Bashkia Korçë dhe Këshilli Bashkiak, me pjesëmarrjen e aktorëve lokalë dhe përfaqësuesit e shoqërisë civile u prezantua Plani Vendor i Veprimit për Energjinë dhe Klimën për periudhën kohore 2023-2040 në bashkëpunim me Projektin e Bashkive të Energjisë së Zgjuar. Ky plan tregon kontributin e bashkisë në objektivat kombëtare për kursimin e energjisë, zgjerimin e energjisë së rinovueshme të pastër dhe reduktimin e emetimeve të gazeve.