Kopshtet Komunitare të ndërtuara nga bashkia tek Parku Japonez përfaqësojnë prej vitesh një model të shkëlqyer të punës vullnetare dhe kontributit në komunitet. Shërbimi Mbështetës për Fëmijët dhe Familjen i bashkohet këtë vit për herë të parë nismës së bukur të Bashkisë Korçë. Familjet të cilat angazhohen çdo ditë vullnetarisht për mbjelljet e frutave dhe perimeve në këto kopshte, do të vazhdojnë të kujdesen për këtë proces dhe të gjitha produktet e përfituara do të dhurohen në mensat që u shërbejnë njerëzve në nevojë në qytet.
