Njoftim

SHPALLJE PËR NËPUNËS CIVIL PËR LËVIZJE PARALELE DHE NGRITJE NË DETYRË NË KATEGORINË E ULËT DREJTUESE

 

Niveli i diplomës “Master Shkencor” në një nga degët e Fakultetit të Drejtësisë

Kategoria e pagës III/a/1.

 

Në zbatim të nenit 26, të ligjit 152/2013 “Për nëpunësin civil” i ndryshuar, si dhe të Kreut II dhe III, të Vendimit të Këshillit të Ministrave  nr. 242, datë 18/03/2015 “Për plotësimin e vendeve të lira në kategorinë e ulët dhe të mesme drejtuese”, Bashkia Korçë shpall procedurat e lëvizjes paralele dhe ngritjes në detyrë, për kategorinë e ulët drejtuese, për pozicionin:

 

  • 1 (një) Përgjegjës i sektorit të ligjshmërisë në Drejtorinë Juridike në Drejtorinë e Përgjithshme Juridike dhe Menaxhimit të Burimeve Njerëzore, kategoria  III/a/1.

 

Pozicioni më sipër, u ofrohet fillimisht nëpunësve civilë të së njëjtës kategori për procedurën e lëvizjes paralele.

Vetëm në rast se ky pozicion, në përfundim të procedurës së lëvizjes paralele, rezulton vakant, atëherë është i vlefshëm për konkurimin nëpërmjet procedurës së ngritjes ne detyre.

 Për të gjitha  procedurat (lëvizje paralele dhe ngritjen në detyrë) aplikohet në të njëjtën kohë.

 

Afati për dorëzimin e dokumentave për LEVIZJE PARALELE: 14.04.2024

 

Afati për dorëzimin e dokumentave për NGRITJE NË DETYRË: 19.04.2024

 

Përshkrimi përgjithësues i punës për pozicionet si më sipër është:

  • Organizon  dhe menaxhon punën në sektor për zbatimin e ligjit
  • Zbaton me rigorozitet të gjithë kuadrin ligjor në fuqi, për realizimin e funksioneve dhe veprimtarinë e Bashkisë Korçë;
  •  Trajton   dhe   zgjidh, në përputhje me kompetencat që i delegohen, kërkesat  dhe   ankesat   e qytetarëve që i drejtohen sektorit nga Drejtoria;
  • Ndjekja e proçedurave ligjore të shpronësimeve në rastet e realizimit të projekteve për interesa publike të Bashkisë Korçë në bashkëpunim me Drejtoritë e tjera të Bashkisë;
  • Jep ndihmën juridike sektorëve apo zyrave të Bashkisë për problematika të ndryshme, në lidhje me realizimin e funksioneve të Bashkisë.
  • Me autorizim të Kryetarit të Bashkisë, Këshillit Bashkiak, Kryeinspektorit të Inspektoriatit të Mbrojtjes të Territorit i përfaqëson ato në proçeset gjyqësore ku janë palë, qoftë më cilësinë e palës paditësë apo palës të paditur, në të gjitha shkallët e gjyqësorit;
  • Përpilon dokumentacionin në formen e duhur ligjore, përgatit kërkespadi, parashtrime, prapësime, ankime, rekurse dhe i paraqit në gjykatë;
  • Ndjek proçedurën e ekzekutimit të vendimeve gjyqësore në Zyrat Përmbarimore Shtetërore apo Private, dhe mban konrespodencën me këto institucione;
  • Përpilon kontrata, marrëveshje bashkëpunimi ku bashkia është palë në përputhje me legjislacionin në fuqi.
  • Kur për zgjidhjen e kërkesave nevoiten të dhëna nga seksionet e tjerë të Bashkisë, kërkon bashkepunimin e tyre në trajtimin e problemit.
  • Koordinon punën me sektorët e tjerë të drejtorisë dhe me drejtoritë e tjera të Bashkisë lidhur me propozime për projekt-akte.
  •  Bën interpretimin ligjor lidhur me probleme të ndryshme që rezultojnë gjatë përmbushjes së funksioneve të drejtorive dhe sektorëve të Bashkisë.
  •  Koordinon punën për hartimin brenda afateve të përcaktuara dhe zbatimin e ligjit në kontratat, aktmarrëveshjet, memorandumet e mirëkuptimit etj. ku bashkia është palë.
  • Organizon hartimin e propozimeve për projekt-ligjet, projekt-aktet që vijnë për mendim në bashki.
  • Harton propozime mbi harmonizimin e akteve nënligjore që lidhen me punën e organeve të bashkisë.
  • Harton planin mujor të punës së sektorit (brenda datës 3 të çdo muaji).
  • Raporton mbi punen e kryer nga Sektori te eprori direkt (brënda  datës 3 të çdo muaji)
  • Jep informacion mbi aktet e Kryetarit të Bashkisë të eprori direkt, koordinon punën me Sektorin e Koordinimit Ligjor mbi zbatimin e këtyre akteve.
  • Përfaqëson Bashkinë në proçeset ku është palë në të gjitha shkallët e gjykimit.
  • Mer pjesë në proçedurën e shpronësimeve në realizimin e projekeve për interesa publike të Bashkisë Korçë.
  • Është përgjegjës për drejtimin dhe kontrollin e realizimit të detyrave nga specialistët e sektorit që drejton;
  • Realizon ndarjen e punës, jep keshilla dhe ndihmën e domosdoshme për vartësit direkt për përmbushjen e detyrave brenda afateve ligjore;
  • Vlerëson, aftësitë dhe performancën e përgjithshme të nëpunësve të sektorit, duke përgatitur vlerësimet me shkrim të rezultateve në punë;
  • Përgatit në kohë dhe me cilësi materiale informuese për eprorët, me qëllim arritjen e objektivave dhe përmbushjen e detyrave të sektorit që drejton;
  • Mban marrëdhënie me të tretët sipas kërkesave të eprorëve;
  • Raporton dhe përgjigjet direkt përpara Drejtorit të Drejtorise dhe veprimtaria e tij ndikon dhe reflektohet në mënyrë direkte në të gjithë veprimtarinë e Drejtorisë.
  • LËVIZJA PARALELE

Kanë të drejtë të aplikojnë për këtë procedurë vetëm nëpunësit civilë të së njëjtës kategori, në të gjitha insitucionet pjesë e shërbimit civil.

 

  1.  KUSHTET PËR LËVIZJEN PARALELE DHE KRITERET E VEÇANTA

Kandidatët duhet të plotësojnë kushtet për lëvizjen paralele si vijon:

  • Të jetë nëpunës civil i konfirmuar, brenda së njëjtës kategori;
  •  Të mos ketë masë disiplinore në fuqi;
  • Të ketë të paktën vlerësimin e fundit “mirë” apo “shumë mire”;

Kandidatët duhet të plotësojnë kërkesat e posaçme si vijon:

  • Të zotërojnë diplomë të nivelit “Master shkencor” në një nga degët e Fakultetit të Drejtësisë.

 Të ketë minimalisht të paktën 3 vjet eksperiencë në fushën përkatëse.

 

  1.  DOKUMENTACIONI, MËNYRA DHE AFATI I DORËZIMIT

Kandidatët duhet të dorëzojnë pranë njësisë së burimeve njerëzore të Bashkisë Korçë, dokumentat si më poshtë:

  • Jetëshkrim i plotësuar në përputhje me dokumentin tip që e gjeni në linkun: http://dap.gov.al/vende-vakante/udhezime-dokumenta/219-udhezime-dokumenta
  • Fotokopje të diplomës (përfshirë edhe diplomën bachelor);
  • Fotokopje të librezës së punës (të gjitha faqet që vërtetojnë eksperiencën në punë);
  • Fotokopje të letërnjoftimit (ID);
  • Vërtetim të gjendjes shëndetësore;
  • Vetëdeklarim të gjendjes gjyqësore;
  • Vlerësimin e fundit nga eprori direkt;
  • Vërtetim nga Institucioni qe nuk ka masë displinore ne fuqi.
  • Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj;

Dokumentat duhet të dorëzohen me postë apo drejtpërsëdrejti pranë njësisë së burimeve njerëzore të Bashkisë Korçë, brenda datës ​14.04.2024.

  1.  REZULTATET PËR FAZËN E VERIFIKIMIT PARAPRAK

Në datën 16.04.2024 njësia e burimeve njerezore në Bashkinë e Korçës do të shpallë në portalin “Shërbimi Kombëtar i Punësimit”, në faqen e internetit të Bashkisë Korçë dhe stendat e informimit të publikut, listën e kandidatëve që plotësojnë kushtet dhe kërkesat e posaçme për procedurën e lëvizjes paralele, si dhe datën, vendin dhe orën e saktë kur do të zhvillohet intervista.

Në të njëjtën datë kandidatët që nuk i plotësojnë kushtet e lëvizjes paralele dhe kërkesat e posaçme do të njoftohen individualisht nga Drejtoria e Burimeve Njerezore (nëpërmjet adresës së e-mail), për shkaqet e moskualifikimit.

  1. FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA

Kandidatët do të testohen me shkrim në lidhje me:

  1. Kushtetutën e Republikës së Shqipërisë;
  2. Kodi Civil dhe Kodi i Proçedurës Civile;
  3. Kodi i Procedures Administrative;
  4. Ligjin nr. 152/2013 “Për nëpunësin civil” i ndryshuar;
  5. Ligjin nr. 139/2015 “Per veteqeverisjen vendore”;
  6. Ligji nr. 119/2014 datë 18.9.2014 “Për të drejtën e informimit”;
  7. Ligji nr.9887, datë 10.3.2008 “Për mbrojtjen e të dhënave personale”;
  8. Ligji nr. 9367, datë 07.04.2005 “Për parandalimin e Konfliktit të Interesave në ushtrimin e funksioneve publike”, i ndryshuar;
  9. Ligje te tjera të cilat veprojnë në organizimin dhe funksionimin e qeverisjes vendore.
  10. Aktet nënligjore të ligjeve të sipër përmendura si dhe çdo VKM që lidhet me ligjet e sipër përmendura dhe me pozicionin e punës.
  1. MËNYRA E VLERËSIMIT TË KANDIDATËVE

Kandidatët do të vlerësohen në lidhje me dokumentacionin e dorëzuar. Kandidatët do të vlerësohen për pervojen, trajnimet apo kualifikimet e lidhura me fushën, si dhe çertifikimin pozitiv. Totali i pikëve për këtë vlerësim është 40 pikë.

Kandidatët gjatë intervistës së strukturuar me gojë do të vlerësohen në lidhje me:

  • Njohuritë, aftësitë, kompetencën në lidhje me përshkrimin e pozicionit të punës;
  • Eksperiencën e tyre të mëparshme;
  • Motivimin, aspiratat dhe pritshmëritë e tyre për karrierën.

Totali i pikëve për këtë vlerësim është 60 pikë.

Më shumë detaje në lidhje me vlerësimin me pikë, metodologjinë e shpërndarjes së pikëve, mënyrën e llogaritjes së rezultatit përfundimtar i gjeni në Udhëzimin nr. 2, datë 27.03.2015, të Departamentit të Administratës Publike “www.dap.gov.al” http://dap.gov.al/2014-03-21-12-52-44/udhezime/426-udhezim-nr-2-date-27-03-2015 .

  1. DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Drejtoria e Burimeve Njerezore do të shpallë fituesin në portalin “Shërbimi Kombëtar i Punësimit” në faqen e internetit të Bashkisë Korçë dhe stendat e informimit të publikut. Të gjithë kandidatët pjesëmarrës në këtë procedurë do të njoftohen individualisht në mënyrë elektronike, për rezultatet (nëpërmjet adresës së e-mail).

 

2. NGRITJA NË DETYRË  NË KATEGORINË E ULËT DREJTUESE

 

Vetëm në rast se nga pozicioni i cituar në fillim të kësaj shpalljeje, në përfundim të procedurës së lëvizjes paralele, rezulton se ende ky pozicion është  vakant, ky pozicion  është i  vlefshme për konkurimin nëpërmjet procedurës së ngritjes në detyrë.

Këtë informacion do ta merrni në faqen e Bashkisë Korçë, duke filluar nga data 16.04.2024.

 

Për këtë procedurë kanë të drejtë të aplikojnë nëpunësit civilë të një kategorie paraardhëse (vetëm një kategori më e ulët), të punësuar në të njëjtin apo në një institucion tjetër të shërbimit civil që plotësojnë kushtet për ngritjen në detyrë.

 

2.1 KUSHTET QË DUHET TË PLOTËSOJË KANDIDATI NË PROCEDURËN E NGRITJES NË DETYRË DHE KRITERET E VEÇANTA

 Kandidatët duhet të plotësojnë kushtet për lëvizjen paralele si vijon:

 

a-Të jetë nëpunës civil i konfirmuar, brenda së njëjtës kategori;

b- Të mos ketë masë disiplinore në fuqi;

c-Të ketë të paktën vlerësimin e fundit “mirë” apo “shumë mire”;

Kandidatët duhet të plotësojnë kërkesat e posaçme si vijon:

d-Të zotërojnë diplomë të nivelit “Master shkencor” në një  nga degët e Fakultetit të Drejtësisë.

 Të ketë minimalisht të paktën 3 vjet eksperiencë në fushën përkatëse.

 

2.2 DOKUMENTACIONI, MËNYRA DHE AFATI I DORËZIMIT

Kandidatët (nëpunës civilë) duhet të dorëzojnë dokumentat si më poshtë:

  • Jetëshkrim i aplikantit në përputhje me dokumentin tip që e gjeni në linkun: http://dap.gov.al/vende-vakante/udhezime-dokumenta/219-udhezime-dokumenta;
  • Fotokopje e notërizuar e diplomës (përfshirë edhe diplomën bachelor);
  • Fotokopje të librezës së punës (të gjitha faqet që vërtetojnë eksperiencën në punë);
  • Fotokopje të letërnjoftimit (ID);
  • Vërtetim të gjendjes shëndetësore;
  • Vetëdeklarim të gjendjes gjyqësore;
  • Vlerësimin e fundit nga eprori direkt;
  • Aktin e emërimit në shërbimin civil;
  • Vërtetim nga Institucioni qe nuk ka mase displinore ne fuqi;
  •  Cdo dokumentacion tjetër që vërteton dokumentet e përmendura në jetëshkrimin tuaj.
  • Letër motivimi
  • Certifikatë e  përbërjes familjare;
  • Foto – 2 copë me përmasa 4 * 5.5cm
  • Foto – 1 copë e madhe me përmasa 9* 12 cm

Aplikimi dhe dorëzimi i të gjitha dokumentave të cituara më sipër, do të bëhen pranë njësisë së Burimeve Njerëzore, Bashkia Korçë ose nëpërmjet shërbimit postar, Aplikimi dhe dorëzimi i dokumentave për proceduren e ngritjes në detyrë dhe pranimit nga jashtë duhet të bëhet brenda dates 19.04.2024.

 

2.3 REZULTATET PËR FAZËN E VERIFIKIMIT PARAPRAK

Në datën 29.04.2024 Drejtoria e Burimeve Njerëzore  në Bashkinë e Korçës do të shpallë në portalin “Shërbimi Kombëtar i Punësimit”, në faqen e internetit të Bashkisë dhe stendat e informimit të publikut, listën e kandidatëve që plotësojnë kushtet dhe kriteret e veçanta për procedurën e ngritjes në detyrë si dhe datën, vendin dhe orën e saktë ku do të zhvillohet testimi me shkrim dhe intervista.

Në të njëjtën datë kandidatët që nuk i plotësojnë kushtet e ngritjes në detyrë dhe kërkesat e posaçme do të njoftohen individualisht (nëpërmjet adresës së e-mail), për shkaqet e moskualifikimit.

 

2.4 FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET TESTIMI ME SHKRIM DHE INTERVISTA

Kandidatët do të testohen me shkrim në lidhje me:

  1. Kushtetutën e Republikës së Shqipërisë;
  2. Kodi Civil dhe Kodi i Proçedurës Civile;
  3. Kodi i Procedures Administrative;
  4. Ligjin nr. 152/2013 “Për nëpunësin civil” i ndryshuar;
  5. Ligjin nr. 139/2015 “Per veteqeverisjen vendore”;
  6. Ligji nr. 119/2014 datë 18.9.2014 “Për të drejtën e informimit”;
  7. Ligji nr.9887, datë 10.3.2008 “Për mbrojtjen e të dhënave personale”;
  8. Ligji nr. 9367, datë 07.04.2005 “Për parandalimin e Konfliktit të Interesave në ushtrimin e funksioneve publike”, i ndryshuar;
  9. Ligje te tjera të cilat veprojnë në organizimin dhe funksionimin e qeverisjes vendore.
  10. Aktet nënligjore të ligjeve të sipër përmendura si dhe çdo VKM që lidhet me ligjet e sipër përmendura dhe me pozicionin e punës.

Kandidatët gjatë intervistës së strukturuar me gojë do të vlerësohen në lidhje me:

  • Njohuritë, aftësitë, kompetencën në lidhje me përshkrimin përgjithësues të punës për pozicionet;
  •  Eksperiencën e tyre të mëparshme;
  • Motivimin, aspiratat dhe pritshmëritë e tyre për karrierën.

 

2.5 MËNYRA E VLERËSIMIT TË KANDIDATËVE

Kandidatët do të vlerësohen në lidhje me:

a- Vlerësimin me shkrim, deri në 40 pikë;

b- Intervistën e strukturuar me gojë qe konsiston ne motivimin, aspiratat dhe pritshmëritë

e tyre për karrierën, deri në 40 pikë;

c- Jetëshkrimin, që konsiston në vlerësimin e arsimimit, të përvojës e të trajnimeve, të

lidhura me fushën, deri në 20 pikë.

Më shumë detaje në lidhje me vlerësimin me pikë, metodologjinë e shpërndarjes së pikëve, mënyrën e llogaritjes së rezultatit përfundimtar i gjeni në Udhëzimin nr. 2, datë 27.03.2015, të Departamentit të Administratës Publike “www.dap.gov.al”.

http:/www.dap.gov.al/legjislacioni/udhezime-manuale/54-udhezim-nr-2-date-27-03-2015

2.6 DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Bashkia Korçë do të shpallë fituesin në faqen zyrtare dhe në portalin “Shërbimi Kombëtar i Punësimit”. Të gjithë kandidatët pjesëmarrës në këtë procedurë do të njoftohen individualisht në mënyrë elektronike për rezultatet (nëpërmjet adresës së e-mail). Të gjithë kandidatët që aplikojnë për procedurën e ngritjes në detyrë në kategorine e ulët drejtuese do të marrin informacion në faqen e Shërbimit Kombëtar të Punësimit, për fazat e mëtejshme të procedures së ngritjes në detyrë në kategorinë e ulët drejtuese,­ për datën e daljes së rezultateve të verifikimit paraprak si dhe për­ datën, vendin dhe orën ku do të zhvillohet konkurimi. Për të marrë këtë informacion, kandidatët duhet të vizitojnë në mënyrë të vazhdueshme faqen e Bashkisë Korçë duke filluar nga data  29.04.2024.

 

 

 

 

 

                                                    KRYETARI I BASHKISË

                                                       Sotiraq Filo

 

Leave a Reply

Your email address will not be published. Required fields are marked*