Dita e mësuesit përkon me 137-vjetorin e themelimit të Mësonjëtores së Parë Shqipe, vendit ku lindi arsimi. Me këtë rast Muzeu Kombëtar i Arsimit dhe Biblioteka "Thimi Mitko" organizuan ekspozitën me titull "Udha e shkronjave shqipe", me koleksionin e përzgjedhur të Abetareve të para të gjuhës shqipe. Kjo ekspozitë ka sjellë për herë të parë për publikun koleksionin e çmuar të abetareve, midis tyre edhe tekstin origjinal të alfabetit të përdorur nga Naum Veqilharxhi 180-vite më parë.
