“Korça në foto” titullohet ekspozita e koleksionistit korçar Mirgen Shamblli, e cila është çelur dje tek Pazari i Vjetër me imazhe të rralla të qytetit të Korçës që datojnë nga vitet ‘20 deri në vitet ‘80. Rreth 800 foto të shkrepura ndër vite pasqyrojnë qytetin dhe jetën në të, pamje dhe disa prej godinave të cilat nuk ekzistojnë më. Kjo ekspozitë e veçantë e cila do të vijojë të jetë e hapur ka ngjallur interes tek qytetarët, për t’u njohur me pamje të ndryshme e për të kujtuar si ka qenë Korça e atyre viteve.
