Njoftim

SHPALLJE PËR NËPUNËS CIVIL PËR LËVIZJE PARALELE, PËR NGRITJE NË DETYRË, PRANIM NGA JASHTË SHËRBIMIT CIVIL

NË KATEGORINË E MESËM DREJTUESE

Lloji i diplomës “Master Shkencor” dega Inxhinieri ndërtimi,arkitekt,urbanist etj.

Në zbatim të nenit 26, të ligjit 152/2013 “Për nëpunësin civil” i ndryshuar, si dhe të Kreut II dhe III, të Vendimit të Këshillit të Ministrave nr. 242, datë 18/03/2015 “Për plotësimin e vendeve të lira në kategorinë e ulët dhe të mesme drejtuese”, Bashkia Korçë shpall procedurat e lëvizjes paralele dhe ngritjes në detyrë, për kategorinë e mesëm drejtuese, për pozicionin:

1 (një) Drejtor i Drejtorisë së Menaxhimit të Kontratave të Infrastrukturës dhe të tjera, kategoria II.b.

Pozicioni më sipër, u ofrohet fillimisht nëpunësve civilë të së njëjtës kategori për procedurën e lëvizjes paralele.
Vetëm në rast se ky pozicion, në përfundim të procedurës së lëvizjes paralele, rezulton vakant, atëherë është i vlefshëm për konkurimin nëpërmjet procedurës së ngritjes ne detyre dhe pranimit nga jashtë shërbimit civil.
Për të gjitha procedurat (lëvizje paralele, ngritjen në detyrë dhe pranim nga jashtë shërbimit civil) aplikohet në të njëjtën kohë.

Afati për dorëzimin e dokumentave për LEVIZJE PARALELE: 18.11.2023

Afati për dorëzimin e dokumentave për NGRITJE NË DETYRË: 23.11.2023

Afati për dorëzimin e dokumentave për PRANIM NGA JASHTË : 23.11.2023

Përshkrimi përgjithësues i punës për pozicionin si më sipër është:

Të përmirësojë vazhdimisht shërbimet publike duke programuar planifikuar e monitoruar performancen e tyre .
Të ndërtojë strategjitë për programimin, planifikimin dhe implementimin e investimeve në veprat publike.
Të harmonizojë gjithë veprimtarinë e enteve të ndryshme, veprimtaria e të cilave ka të bëjë direkt ose indirekt me shërbimet dhe veprat publike.
Monitoron dhe ndjek nga afër dhe në detaje kryerjen e punimeve në teren nga firmat sipërmarëse duke u mbeshtetur ne legjislacionin ne fuqi per punimet e ndertimit.
Përgatit informacionin mbi ecurinë e proçedurave dhe të punimeve në këto kontrata dhe problemet që dalin gjatë zbatimit të tyre.
Evidenton problemet që dalin gjatë zbatimit të punimeve, përgatit relacione dhe dokumentacionin e nevojshem për institucionet që do të marrin pjesë në zgjidhjen e tyre.
Kontrollon dokumentat e nevojshme për fillim e punës në kontratat e punimeve ( projekti, preventivi, kontrata, garancitë, etj. )
Kontrollon dokumentacionin teknik pas fillimit të punës për kontratat e punimeve dhe për supervizionin, si: libreza e masave, ditari i objektit, punimet e maskuara, ndryshime dhe shtesa në punime, korrespondenca me kontraktorët dhe surevizorët etj.
Krijon kontakte dhe mban korespodenca me donatorë të ndryshëm si dhe me firma sipërmarrëse dhe supervizorët e kontratave për ndjekjen dhe kontrollin e mbajtjes së dokumentacionit teknik.

LËVIZJA PARALELE

Kanë të drejtë të aplikojnë për këtë procedurë vetëm nëpunësit civilë të së njëjtës kategori, në të gjitha insitucionet pjesë e shërbimit civil.

KUSHTET PËR LËVIZJEN PARALELE DHE KRITERET E VEÇANTA

Kandidatët duhet të plotësojnë kushtet për lëvizjen paralele si vijon:

Të jetë nëpunës civil i konfirmuar, brenda së njëjtës kategori;
Të mos ketë masë disiplinore në fuqi;
Të ketë të paktën vlerësimin e fundit “mirë” apo “shumë mire”;

Kandidatët duhet të plotësojnë kërkesat e posaçme si vijon:

Të zotërojnë diplomë të nivelit “Master shkencor”në degën inxhineri. ndërtimi,arkitekt,urbanist etj.
Të ketë minimalisht 3-vjet eksperiencë .

DOKUMENTACIONI, MËNYRA DHE AFATI I DORËZIMIT

Kandidatët duhet të dorëzojnë pranë njësisë së burimeve njerëzore të Bashkisë Korçë, dokumentat si më poshtë:

Jetëshkrim i plotësuar në përputhje me dokumentin tip që e gjeni në linkun: http://dap.gov.al/vende-vakante/udhezime-dokumenta/219-udhezime-dokumenta
Fotokopje të diplomës (përfshirë edhe diplomën bachelor);
Fotokopje të librezës së punës (të gjitha faqet që vërtetojnë eksperiencën në punë);
Fotokopje të letërnjoftimit (ID);
Vërtetim të gjendjes shëndetësore;
Vetëdeklarim të gjendjes gjyqësore;
Vlerësimin e fundit nga eprori direkt;
Vërtetim nga Institucioni qe nuk ka masë displinore ne fuqi.
Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj;

Dokumentat duhet të dorëzohen me postë apo drejtpërsëdrejti pranë njësisë së burimeve njerëzore të Bashkisë Korçë, brenda datës 18.11.2023

REZULTATET PËR FAZËN E VERIFIKIMIT PARAPRAK

Në datën 20.11.2023, njësia e burimeve njerezore në Bashkinë e Korçës do të shpallë në portalin “Shërbimi Kombëtar i Punësimit”, në faqen e internetit të Bashkisë Korçëdhe stendat e informimit të publikut, listën e kandidatëve që plotësojnë kushtet dhe kërkesat e posaçme për procedurën e lëvizjes paralele, si dhe datën, vendin dhe orën e saktë kur do të zhvillohet intervista.

Në të njëjtën datë kandidatët që nuk i plotësojnë kushtet e lëvizjes paralele dhe kërkesat e posaçme do të njoftohen individualisht nga Drejtoria e Burimeve Njerezore (nëpërmjet adresës së e-mail), për shkaqet e moskualifikimit.

FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA

Kandidatët do të vlerësohen në lidhje me:

Ligji nr. 139/2015 “Për vetëqeverisjen vendore”;
Ligji nr. 10463 datë 22.09.2011”Për menxhimin e integruar të mbetjeve “
Ligji nr. 8402 datë 10.09.1998 ”Për kontollin dhe disiplinimin e punimeve të ndërtimit “i ndryshuar.
Ligjin nr. 152/2013 “Për nëpunësin civil” i ndryshuar;
Ligji nr.9887, datë 10.3.2008 “Për mbrojtjen e të dhënave personale”;
Ligje te tjera të cilat veprojnë në organizimin dhe funksionimin e qeverisjes vendore;
Aktet nënligjore të ligjeve të sipër përmendura si dhe çdo VKM që lidhet me ligjet e sipër përmendura dhe me pozicionin e punës.

MËNYRA E VLERËSIMIT TË KANDIDATËVE

Kandidatët do të vlerësohen në lidhje me dokumentacionin e dorëzuar:

Kandidatët do të vlerësohen për përvojën, trajnimet apo kualifikimet e lidhura me fushën,sidhe për vlerësimet e rezultateve individale në punë.Totali i pikëve për këtë vlerësim është 40 pikë.

Kandidatët gjatë intervistës së strukturuar me gojë do të vlerësohen në lidhje me:

a- Njohuritë, aftësitë, kompetencën në lidhje me përshkrimin e pozicionit të punës;

b- Eksperiencën e tyre të mëparshme;

c- Motivimin, aspiratat dhe pritshmëritë e tyre për karrierën.

Totali i pikëve për këtë vlerësim është 60 pikë.

Më shumë detaje në lidhje me vlerësimin me pikë, metodologjinë e shpërndarjes së pikëve, mënyrën e llogaritjes së rezultatit përfundimtar i gjeni në Udhëzimin nr. 2, datë 27.03.2015, të Departamentit të Administratës Publike “ëëë.dap.gov.al”.

http://ëëë.dap.gov.al/legjislacioni/udhezime-manuale/54-udhezim-nr-2-date-27-03-2015

DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Drejtoria e Burimeve Njerezore do të shpallë fituesin në portalin “Shërbimi Kombëtar i Punësimit”në faqen e internetit të Bashkisë Korçë dhe stendat e informimit të publikut. Të gjithë kandidatët pjesëmarrës në këtë procedurë do të njoftohen individualisht në mënyrë elektronike, për rezultatet (nëpërmjet adresës së e-mail).

2. NGRITJA NË DETYRË DHE PRANIMI NGA JASHTË NË KATEGORINË E ULËT DREJTUESE

Vetëm në rast se nga pozicioni i cituar në fillim të kësaj shpalljeje, në përfundim të procedurës së lëvizjes paralele, rezulton se ende ky pozicion është vakant, ky pozicion është i vlefshme për konkurimin nëpërmjet procedurës së ngritjes në detyrë dhe pranim nga jashtë shërbimit civil.

Këtë informacion do ta merrni në faqen e Bashkisë Korçë, duke filluar nga data 20.11.2023

Për këtë procedurë kanë të drejtë të aplikojnë nëpunësit civilë të një kategorie paraardhëse (vetëm një kategori më e ulët), të punësuar në të njëjtin apo në një institucion tjetër të shërbimit civil që plotësojnë kushtet për ngritjen në detyrë si dhe kandidatë të tjerë jashtë shërbimit civil, që plotësojnë kërkesat e veçanta për vendin e lirë.

2.1 KUSHTET QË DUHET TË PLOTËSOJË KANDIDATI NË PROCEDURËN E NGRITJES NË DETYRË, PRANIMIT NGA JASHTË DHE KRITERET E VEÇANTA

Kushtet që duhet të plotësojnë kandidatët në procedurën e ngritjes në detyrë dhe pranimit nga jashtë janë:

Për nëpunësit civilë:

a- Të jetë nëpunës civil i konfirmuar.

b- Të mos ketë masë disiplinore në fuqi (të vertetuar me një dokument nga institucioni);

c- Të ketë të paktën vlerësimin e fundit “Mirë” ose “Shumë mirë”;

ç- Niveli i diplomës duhet të jetë “Master Shkencor” në degën inxhinieri. ndërtimi,arkitekt,urbanist etj.

d- Të ketë minimalisht 3-vjet eksperiencë pune .

Kandidatët nga jashtë shërbimi civil duhet të plotësojnë kriteret:

a-Kriteret e përgjithshme të pranimit në shërbimin civil;

ç- Niveli i diplomës duhet të jetë “Master Shkencor” në degën inxhinieri.

d- Të ketë minimalisht 3-vjet eksperiencë pune .

DOKUMENTACIONI, MËNYRA DHE AFATI I DORËZIMIT

Kandidatët (nëpunës civilë) duhet të dorëzojnë dokumentat si më poshtë:

Jetëshkrim i aplikantit në përputhje me dokumentin tip që e gjeni në linkun: http://dap.gov.al/vende-vakante/udhezime-dokumenta/219-udhezime-dokumenta;
Fotokopje e notërizuar e diplomës (përfshirë edhe diplomën bachelor);
Fotokopje të librezës së punës (të gjitha faqet që vërtetojnë eksperiencën në punë);
Fotokopje të letërnjoftimit (ID);
Vërtetim të gjendjes shëndetësore;
Vetëdeklarim të gjendjes gjyqësore;
Vlerësimin e fundit nga eprori direkt;
Aktin e emërimit në shërbimin civil;
Vërtetim nga Institucioni qe nuk ka mase displinore ne fuqi;
Cdo dokumentacion tjetër që vërteton dokumentet e përmendura në jetëshkrimin tuaj.
Letër motivimi
Certifikatë e përbërjes familjare;
Foto – 2 copë me përmasa 4 * 5.5cm
Foto – 1 copë e madhe me përmasa 9* 12 cm

Kandidatët (Jashtë Shërbimit Civil) duhet të dorëzojnë dokumentat si më poshtë:

a- Jetëshkrim i aplikantit;

b- Fotokopje të diplomës (përfshirë edhe diplomën bachelor);

c- Fotokopje të librezës së punës (të gjitha faqet që vërtetojnë eksperiencën në punë);

d- Fotokopje të letërnjoftimit (ID);

e- Vërtetim të gjendjes shëndetësore;

Vetëdeklarim të gjendjes gjyqësore.
Çdo dokumentacion tjetër që vërteton dokumentet e përmendura në jetëshkrimin tuaj;
Letër motivimi
Certifikatë e përbërjes familjare;
Foto – 2 copë me përmasa 4 * 5.5cm
Foto – 1 copë e madhe me përmasa 9* 12 cm

Aplikimi dhe dorëzimi i të gjitha dokumentave të cituara më sipër, do të bëhen pranë njësisë së Burimeve Njerëzore, Bashkia Korçë ose nëpërmjet shërbimit postar, Aplikimi dhe dorëzimi i dokumentave për proceduren e ngritjes në detyrë dhe pranimit nga jashtë duhet të bëhet brenda dates 23.11.2023

REZULTATET PËR FAZËN E VERIFIKIMIT PARAPRAK

Në datën 03.12.2023, Drejtoria e Burimeve Njerëzore në Bashkinë e Korçës do të shpallë në portalin “Shërbimi Kombëtar i Punësimit”, në faqen e internetit të Bashkisë dhe stendat e informimit të publikut, listën ekandidatëve që plotësojnë kushtet dhe kriteret e veçanta për procedurën e ngritjes në detyrë si dhe datën, vendin dhe orën e saktë ku do të zhvillohet testimi me shkrim dheintervista.

Në të njëjtën datë kandidatët që nuk i plotësojnë kushtet e ngritjes në detyrë dhe kërkesat e posaçme do të njoftohen individualisht (nëpërmjet adresës së e-mail), për shkaqet e moskualifikimit.

2.4 FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET TESTIMIDHE INTERVISTA

Kandidatët do të testohen me shkrim për njohuritë mbi:

Ligji nr. 139/2015 “Për vetëqeverisjen vendore”;

Kandidatët do të vlerësohen në lidhje me:

Ligji nr. 139/2015 “Për vetëqeverisjen vendore”;
Ligji nr. 10463 datë 22.09.2011”Për menxhimin e integruar të mbetjeve “
Ligji nr. 8402 datë 10.09.1998 ”Për kontollin dhe disiplinimin e punimeve të ndërtimit “i ndryshuar.
Ligjin nr. 152/2013 “Për nëpunësin civil” i ndryshuar;
Ligji nr.9887, datë 10.3.2008 “Për mbrojtjen e të dhënave personale”;
Ligje te tjera të cilat veprojnë në organizimin dhe funksionimin e qeverisjes vendore;
Aktet nënligjore të ligjeve të sipër përmendura si dhe çdo VKM që lidhet me ligjet e sipër përmendura dhe me pozicionin e punës.

Kandidatët gjatë intervistës së strukturuar me gojë do të vlerësohen në lidhje me:

a- Njohuritë, aftësitë, kompetencën në lidhje me përshkrimin e pozicionit të punës;

b- Eksperiencën e tyre të mëparshme;

c- Motivimin, aspiratat dhe pritshmëritë e tyre për karrierën.

MËNYRA E VLERËSIMIT TË KANDIDATËVE

Kandidatët do të vlerësohen në lidhje me:

a- Vlerësimin me shkrim, deri në 40 pikë;

b- Intervistën e strukturuar me gojë qe konsiston ne motivimin, aspiratat dhe pritshmëritë

e tyre për karrierën, deri në 40 pikë;

c- Jetëshkrimin, që konsiston në vlerësimin e arsimimit, të përvojës e të trajnimeve, të

lidhura me fushën, deri në 20 pikë.

http://ëëë.dap.gov.al/legjislacioni/udhezime-manuale/54-udhezim-nr-2-date-27-03-2015

DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Bashkia Korçë do të shpallë fituesin në faqen zyrtare dhe në portalin “Shërbimi Kombëtar i Punësimit”. Të gjithë kandidatët pjesëmarrës në këtë procedurë do të njoftohen individualisht në mënyrë elektronike për rezultatet (nëpërmjet adresës së e-mail). Të gjithë kandidatët që aplikojnë për procedurën e ngritjes në detyrë në kategorine e ulët drejtuese dhe pranimit nga jashtë shërbimit civil do të marrin informacion në faqen e Shërbimit Kombëtar të Punësimit, për fazat e mëtejshme të procedures së ngritjes në detyrë në kategorinë e ulët drejtuese ose pranimit nga jashtë, për datën e daljes së rezultateve të verifikimit paraprak si dhe për datën, vendin dhe orën ku do të zhvillohet konkurimi. Për të marrë këtë informacion, kandidatët duhet të vizitojnë në mënyrë të vazhdueshme faqen e Bashkisë Korçë duke filluar nga data 03.12.2023

KRYETARI I BASHKISË

Sotiraq Filo

Njoftim

Leave a Reply Cancel Reply

Kontaktet

Newsletter